بيىل 23 قاڭتار مەن 26 ناۋرىز ارالىعىندا 69 مىڭنان استام كولىك قۇرالى زاڭداستىرىلدى, ونىڭ ىشىندە 67%-ى (46 592) رەسەي فەدەراتسياسىنان, 19%-ى (13 424) ارمەنيادان, شامامەن 10%-ى (6 788) قىرعىزستاننان, شامامەن 2%-ى (1 296) گرۋزيادان اكەلىنگەن.
سونىمەن قاتار قازىر ىشكى ىستەر مينيسترلىگى قوسالقى بولشەكتەر رەتىندە اكەلىنگەن اۆتوكولىكتەردى زاڭداستىرۋ شارتتارىن ايقىندايتىن ۇكىمەت قاۋلىسىنىڭ جوباسىن ازىرلەدى.
«اتالعان جوبا جاريا تالقىلاۋدان ءوتتى, قازىر ءبىز ولاردى قورىتىندىلاپ بولعاننان كەيىن مەملەكەتتىك ورگاندارعا تۇپكىلىكتى كەلىسۋگە جىبەرەمىز. ودان كەيىن ۇكىمەتكە ەنگىزەمىز. وتىنىشتەر بارلىق حالىققا قىزمەت كورسەتۋ ورتالىقتارىندا جانە ەلەكترون سەرۆيس ارقىلى قابىلدانادى. سوىمەن قاتار ازاماتتارعا ارنالعان ەلەكتروندىق ۇكىمەت پورتالىندا جانە ەكىنشى دەڭگەيدەگى بانكتەردىڭ ءموبيلدى قوسىمشالارىندا قولجەتىمدى», دەدى ىشكى ىستەر مينيسترلىگىنە قاراستى اكىمشىلىك پوليتسيا كوميتەتىنىڭ توراعاسى قايسار سۇلتانباەۆ.
