«قۇرمەتتى قازاقستاندىقتار اسىرەسە قوستانايلىقتار, جەرلەستەر. مەرەكە قۇتتى بولسىن! ماعان عارىشتان جەرگە قاراۋدىڭ ءساتى ءتۇستى, سىزدەرگە ايتارىم - ءبىر-بىرىڭىزگە رەنجىمەڭىزدەر, بوسقا اشۋلانباڭىزدار.
ءبىزدىڭ عالامشارىمىز وتە ادەمى. مۇنداي ادەمى جەردە قيىندىق بولۋى مۇمكىن ەمەس سياقتى. بۇگىن ۇلكەن جانە جارقىن مەرەكە. سىزدەرگە باقىت تىلەيمىن! قيىندىققا كوز سالىڭىز, كۇننىڭ باتۋى مەن شىعۋىن قۋانىشپەن قارسى الىڭىز, ءار كۇنىڭىزدەن راحات الىڭىز جانە ءومىردىڭ ادەمى ەكەنىن ءبىلىڭىز!», دەپ تىلەگىن ءبىلدىرى دميتري پەتەلين.
دميتري پەتەلين 1983 جىلى 10 شىلدەدە قوستانايدا دۇنيەگە كەلگەن.
2000 جىلى تەحنيكالىق-ەكونوميكالىق مەكتەپ-ليتسەيدى بىتىرگەن.
2006 جىلى وڭتۇستىك ورال مەملەكەتتىك ۋنيۆەرسيتەتىن «اۆيا جانە تىكۇشاق جاساۋ» ماماندىعى بويىنشا بىتىرگەن. جۋكوۆسكيدەگى «عىلىمي-ينجينيرينگتىك كومپانيا» جاۋاپكەرشىلىگى شەكتەۋلى سەرىكتەستىگىنىڭ اۆياكونسترۋكتورلىق بولىمىندە ينجەنەر-كونسترۋكتور بولىپ جۇمىس ىستەدى. 2012 جىلى ول روسكوسموس عارىشكەرلەر كورپۋسىنا سايلاندى.
2022 جىلدىڭ 21 قىركۇيەگىندە روسكوسموس عارىشكەرى سەرگەي پروكوپەۆپەن جانە ناسا استروناۆتى فرانك رۋبيومەن بىرگە بايقوڭىر عارىش ايلاعىنان «سويۋز مس-22 تپك-نىڭ بورتينجەنەر-1» جانە حعس-68 بورتينجەنەرى رەتىندە ۇشىرىلدى. 17 قاراشادا عارىشكەر سەرگەي پروكوپەۆپەن بىرگە 6 ساعات 25 مينۋتقا سوزىلعان عارىشتىق ساياحات جاسادى.
