IQ519 «اقتوبە-باكۋ» باعىتى بويىنشا رەيستى ورىندايتىن QAZAQ AIR اۋەكومپانياسىنىڭ ۇشاعى اتىراۋ قالاسىنىڭ اۋەجايىنا شۇعىل قوندى. بورتتا 37 جولاۋشىسى بار اۋە كەمەسى 5 اقپاندا استانا ۋاقىتى بويىنشا ساعات 19:21-دە (اتىراۋ ۋاقىتى بويىنشا 18:21-دە) قونعان.
ۇشاقتا شۇعىل مەديتسينالىق كومەككە مۇقتاج جولاۋشى بولعان.
ەكيپاج دارىگەرگە دەيىنگى العاشقى مەديتسينالىق كومەك كورسەتىپ, جاقىن ماڭداعى اۋەجايعا ۇشاقتى قوندىرۋ تۋرالى شەشىمگە كەلگەن. اۋەجايعا قونعاننان كەيىن جولاۋشىنى جەدەل جاردەم كولىگى الىپ كەتىپ, بىلىكتى مەديتسينالىق كومەك كورسەتۋ ءۇشىن اۋرۋحاناعا جاتقىزدى.
اۋرۋحاناعا جاتقىزىلعان ايەلمەن بىرگە بورتتا ۇشقان جولاۋشىنىڭ ايتۋىنشا, مەديتسينالىق كومەك ۋاقتىلى كورسەتىلگەن جانە قازىرگى ۋاقىتتا ونىڭ ومىرىنە ەش قاۋىپ جوق.
