سەناتورلار مۇمكىندىگى شەكتەۋلى جاندارعا تسيفرلىق تەحنولوگيالاردىڭ قولجەتىمدىلىگىنە قاتىستى ماسەلەلەردى تالقىلاۋ ماقساتىندا ۋاكىلەتتى ورگانداردىڭ باسشىلىعىمەن كەزدەستى، دەپ حابارلايدى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ.
سەنات دەپۋتاتى ءلاززات قالتاەۆا ازاماتتاردىڭ وتىنىشتەرىنە، ونىڭ ىشىندە كورۋ قابىلەتىنىڭ بۇزىلۋىنا بايلانىستى، مەملەكەتتىك ورگاندار سايتتارىنىڭ، سونداي-اق ءموبيلدى قوسىمشالاردىڭ جانە ءومىردىڭ ءتۇرلى سالالارىنداعى باسقا دا قىزمەتتەردىڭ قولجەتىمسىزدىگى ماسەلەلەرى بويىنشا وتىرىستى ۇيىمداستىرعان بولاتىن.
شارا بارىسىندا مۇگەدەكتىگى بار ادامدارعا اقپاراتتىڭ قولجەتىمدىلىگى ماسەلەلەرى ەگجەي-تەگجەيلى تالقىلاندى.
«بۇعان دەيىن مۇگەدەكتىگى بار ادامدارعا تسيفرلىق تەحنولوگيالار مەن اقپاراتتىڭ قولجەتىمدىلىگى تاقىرىبى تۋرالى دەپۋتاتتىق ساۋال جولداعان ەدىم. بەرىلگەن جاۋاپتا ۋاكىلەتتى ورگاندار بۇل سالادا جۇمىستار جۇرگىزىلىپ جاتقانىن، الايدا ءبىراز ۋاقىت وتسە دە وكىنىشكە قاراي ناتيجە جوق ەكەنىن اتاپ ءوتتى»، دەدى سەناتور ءلاززات قالتاەۆا.
ءلاززات قالتاەۆا ءوزىنىڭ دەپۋتاتتىق ساۋالىندا مەملەكەتتىك ورگانداردىڭ سايتتارى، بىرقاتار ەلەكتروندىق قىزمەتتەر: جەدەلحات-بوتتار، باعدارلامالىق جانە ءموبيلدى قوسىمشالار – مۇگەدەكتىگى بار ادامدارعا قول جەتكىزۋ مۇمكىن ەمەس ەكەنىن اتاپ ءوتتى.
سەناتوردىڭ ايتۋىنشا، وسىعان بايلانىستى مۇگەدەك ادامداردى اقپاراتپەن، تسيفرلىق رەسۋرستارمەن جانە سەرۆيستەرمەن قامتاماسىز ەتۋدىڭ قولدانىستاعى ستاندارتتارىن قايتا قاراۋ قاجەتتىگى تۋىنداپ وتىر.
ۋاكىلەتتى مەملەكەتتىك ورگانداردىڭ وكىلدەرى دەپۋتاتتاردىڭ سۇراقتارىنا جاۋاپ بەرە كەلىپ، جۇرگىزىلىپ جاتقان جۇمىستار تۋرالى سەناتورلارعا ايتىپ بەردى جانە قازاقستاننىڭ زاڭناماسى مەن ۇلتتىق ستاندارتتارعا وزگەرىستەر ەنگىزۋ ماسەلەسىنە توقتالدى.
وتىرىسقا ەڭبەك جانە حالىقتى الەۋمەتتىك قورعاۋ، تسيفرلىق دامۋ، يننوۆاتسيالار جانە اەروعارىش ونەركاسىبى، ساۋدا جانە ينتەگراتسيا جانە اقپارات جانە قوعامدىق دامۋ مينيسترلىكتەرىنىڭ وكىلدەرى قاتىستى.
پرەزيدەنتتىڭ قاراپايىمدىلىعى قاتتى ۇنادى – شاۆكات راحمونوۆ
سپورت • بۇگىن، 23:06
مەرەكە • بۇگىن، 08:53
بۇۇ ناۋرىزى: الەمدى ۇيلەستىرەتىن مەيرام
مەرەكە • بۇگىن، 08:50
اباي • بۇگىن، 08:47
مەرەكە • بۇگىن، 08:45
مەرەكە • بۇگىن، 08:43
ۇقساس جاڭالىقتار
