بۇل تۋرالى باشقۇرت قۇرىلتايى توراعاسىنىڭ ورىنباسارى رۇستەم احمادينۋروۆ مالىمدەدى.
مۇرتازا راحيموۆ 1993 جىلدان 2010 جىلعا دەيىن باشقۇرتستان رەسپۋبليكاسىنىڭ پرەزيدەنتى قىزمەتىن اتقارعان. ول 1934 جىلدىڭ 7 اقپانىندا كۋگارچين اۋدانى, تاكانوۆو اۋىلىندا دۇنيەگە كەلگەن. ۋفا مۇناي ينستيتۋتىن بىتىرگەن.
1960-1976 جىلدارى ۋفا مۇناي وڭدەۋ زاۋىتىندا قوندىرعى باستىعى, تسەح باستىعىنىڭ ورىنباسارى, ءوندىرىس باستىعىنىڭ ورىنباسارى, باس ينجەنەردىڭ ىسكە قوسۋ جانە رەتتەۋ جونىندەگى ورىنباسارى قىزمەتتەرىن اتقاردى. 1976-1978 جىلدارى زاۋىتتىڭ باس حيميگى - باس ينجەنەردىڭ ورىنباسارى, 1978-1986 جىلدارى باس ينجەنەر, 1986-1990 جىلدارى ديرەكتور بولعان.
1990-1993 جىلدارى باشقۇرتستان رەسپۋبليكاسى جوعارعى كەڭەسىنىڭ توراعاسى بولعان.
