فوتو: istockphoto.com
2026 جىلدىڭ باسىنان باستاپ مەملەكەتتىك جاردەماقىلاردىڭ مولشەرى يندەكستەلدى. ءبىرىنشى, ەكىنشى جانە ءۇشىنشى بالا دۇنيەگە كەلگەن جاعدايدا 164 350 تەڭگە كولەمىندە بىرجولعى تولەم قاراستىرىلعان. ال ءتورتىنشى جانە ودان كەيىنگى بالالارعا 272 475 تەڭگە مولشەرىندە جاردەماقى تولەنەدى.
سونداي-اق جۇمىس ىستەمەيتىن اتا-انالارعا بالا 1,5 جاسقا تولعانعا دەيىن اي سايىن بالا كۇتىمى بويىنشا جاردەماقى بەرىلەدى. ونىڭ مولشەرى بالالاردىڭ سانىنا بايلانىستى بەلگىلەنەدى. مىندەتتى الەۋمەتتىك ساقتاندىرۋ جۇيەسىنە قاتىساتىن جۇمىس ىستەيتىن انالارعا جۇكتىلىك پەن بوسانۋعا, سونداي-اق بالا كۇتىمىنە بايلانىستى الەۋمەتتىك تولەمدەر تاعايىندالادى.
1 قاڭتاردان باستاپ الەۋمەتتىك تولەمدەر مەن سالىق جۇيەسى وزگەردى
مۇگەدەكتىگى بار بالالاردى تاربيەلەپ وتىرعان اتا-انالارعا تولەنەتىن مەملەكەتتىك جاردەماقىلاردىڭ مولشەرى دە ۇلعايتىلعان. ال تابىسى كەدەيلىك شەگىنەن تومەن وتباسىلارعا قوسىمشا اتاۋلى الەۋمەتتىك كومەك كورسەتىلەدى.
كوپبالالى انالاردىڭ مارتەبەسىن ارتتىرۋ ماقساتىندا «كۇمىس القا» جانە «التىن القا» يەگەرلەرىنە ءومىر بويى اي سايىن مەملەكەتتىك جاردەماقى تولەنەدى.
اتالعان شارالار وتباسى ينستيتۋتىن نىعايتۋعا, انا مەن بالانىڭ ءال-اۋقاتىن ارتتىرۋعا جانە ەلىمىزدەگى دەموگرافيالىق ساياساتتى قولداۋعا باعىتتالعان.
ەسكە سالا كەتەيىك, بۇعان دەيىن مەملەكەتتىك الەۋمەتتىك ساقتاندىرۋ قورى دەكرەتتىك تولەمدەرگە باقىلاۋ كۇشەيتىلەتىندىگىن مالىمدەگەن بولاتىن.
