فوتو: اشىق دەرەككوز
حالىقارالىق MICS-2024 زەرتتەۋىنىڭ مالىمەتى بويىنشا ەلىمىزدەگى بالالارعا قاتىستى فيزيكالىق جازالاۋ مەن پسيحولوگيالىق قىسىم كورسەتۋ دەڭگەيىنىڭ ايتارلىقتاي تومەندەگەنىن كورسەتتى. اتاپ ايتقاندا, بۇل كورسەتكىش 53 پايىزدان 38 پايىزعا دەيىن ازايعان. بۇل – ەۋروپا مەن ورتالىق ازيا ەلدەرى اراسىنداعى ەڭ تومەن كورسەتكىشتەردىڭ ءبىرى.
سونىمەن قاتار زەرتتەۋ قورىتىندىسىنا سايكەس, قازاقستانداعى بالالاردىڭ 96 پايىزى ءوزىن پسيحولوگيالىق تۇرعىدان جايلى ءارى قاۋىپسىز سەزىنەدى. بۇل بالالاردىڭ ەموتسيونالدىق ءال-اۋقاتىن قامتاماسىز ەتۋ باعىتىندا اتقارىلىپ جاتقان جۇمىستاردىڭ ناتيجەسىن كورسەتەدى.
قازاقستاننىڭ بالالار قۇقىقتارىن قورعاۋ سالاسىنداعى رەفورمالارى حالىقارالىق قاۋىمداستىق تاراپىنان دا وڭ باعالانىپ وتىر. 2025 جىلدىڭ قاڭتار جانە ماۋسىم ايلارىندا بىرىككەن ۇلتتار ۇيىمىنا مۇشە مەملەكەتتەر ەلىمىزدىڭ ادام قۇقىقتارىن قورعاۋ, ونىڭ ىشىندە بالالاردىڭ قۇقىقتارىن قامتاماسىز ەتۋ باعىتىندا جۇرگىزىپ جاتقان رەفورمالارىنا جوعارى باعا بەردى.
وسىعان بايلانىستى بيىل قازاقستان جەنەۆا قالاسىندا بۇۇ-نىڭ بالا قۇقىقتارى تۋرالى كونۆەنتسياسىن ىسكە اسىرۋ جونىندەگى بىرىكتىرىلگەن بەسىنشى جانە التىنشى مەرزىمدى بايانداماسىن تانىستىرادى.
جالپى, بۇل ۇردىستەر بالالاردىڭ قۇقىقتارىن قورعاۋ ماسەلەسى ەلىمىز ءۇشىن تەك ىشكى الەۋمەتتىك ساياساتتىڭ باعىتى عانا ەمەس, سونىمەن بىرگە حالىقارالىق بەدەلدى قالىپتاستىراتىن ماڭىزدى فاكتورلاردىڭ بىرىنە اينالىپ كەلە جاتقانىن كورسەتەدى. ويتكەنى قازىرگى تاڭدا مەملەكەتتەردىڭ دامۋ دەڭگەيى مەن رەفورمالاردىڭ تيىمدىلىگى كوبىنە بالانىڭ ءوسىپ-جەتىلەتىن ورتاسىنىڭ ساپاسى ارقىلى باعالانادى.
