فوتو: istockphoto.com
سوڭعى ەكى جىلدا بۇل باعىتتا باقىلاۋ تەتىكتەرى ەداۋىر كۇشەيتىلگەن. تەكسەرۋلەر ءبىلىم بەرۋ ۇيىمدارى مەن وڭىرلىك ءبىلىم باسقارمالارىن قامتىپ, كەيبىر جاعدايلاردا الدىن الا ەسكەرتۋسىز جۇرگىزىلگەن. ماسەلەن وتكەن جىلى 70 وڭىرلىك ۆەدومستۆو مەن بىرقاتار ءبىلىم بەرۋ ۇيىمدارى تەكسەرىلگەن. ناتيجەسىندە 74 انىقتالعان زاڭبۇزۋشىلىقتاردى جويۋ 16 لاۋازىمدى تۇلعا مەن ءبىر اتا-انا اكىمشىلىك جاۋاپكەرشىلىككە تارتىلعان. سونىمەن قاتار 5 مامانعا تارتىپتىك جازا قولدانىلعان.
وقۋ-اعارتۋ ءمينيسترى: بۋللينگ ءۇشىن ديرەكتوردى جۇمىستان بوساتۋ ورىنسىز
ال 2026 جىلعى ناۋرىزدان باستاپ قازاقستاندا بالالاردىڭ قۇقىقتارىن قورعاۋ سالاسىنداعى زاڭبۇزۋشىلىقتار ءۇشىن اكىمشىلىك جاۋاپكەرشىلىك ەنگىزىلدى. ەندى بۋللينگ فاكتىلەرىن ەلەمەۋ, قاجەتتى كومەك كورسەتپەۋ, مەكتەپكە بارمايتىن بالالاردى ەسەپكە الماۋ جانە تاماقتاندىرۋدى ۇيىمداستىرۋداعى ولقىلىقتار ءۇشىن ايىپپۇل قاراستىرىلعان. جازا مولشەرى قۇقىقبۇزۋشىلىقتىڭ اۋىرلىعى مەن قايتالانۋىنا بايلانىستى 30-دان 80 ايلىق ەسەپتىك كورسەتكىشكە دەيىن بەلگىلەنگەن.
جىل باسىنان بەرى مەملەكەتتىك باقىلاۋ ناتيجەسىندە 12 اكىمشىلىك حاتتاما تولتىرىلعان.
ەسكە سالا كەتەيىك, بۇعان دەيىن استانادا 7-سىنىپ وقۋشىسى بۋللينگتى انىقتايتىن جۇيە جاساپ شىعارعانىن جازعان بولاتىنبىز.
