قايعىلى وقيعا قوسشىعۇل ۇلى كوشەسى, 23/2 مەكەنجايىنداعى تۇرعىن ۇيدە بولعان. الدىن الا مالىمەت بويىنشا, ءبۇلدىرشىن تەرەزەدەن ماساعا قارسى قويىلعان تورعا سۇيەنگەن كەزدە قۇلاپ كەتكەن.
اۋىر جاراقات العان قىز وقيعا ورنىندا كوز جۇمدى. وقيعا ورنىنا جەدەل تۇردە قۇتقارۋشىلار, دارىگەرلەر جانە پوليتسيا قىزمەتكەرلەرى جەتكەن.
كۋاگەرلەردىڭ ايتۋىنشا, ارنايى قىزمەت كولىكتەرىنىڭ ۇيگە جاقىنداۋىنا اۋلاداعى رەتسىز قويىلعان اۆتوكولىكتەر كەدەرگى كەلتىرگەن.
ماماندار ماساعا قارسى قويىلاتىن تورلاردىڭ بالانىڭ سالماعىن كوتەرە المايتىنىن ۇنەمى ەسكەرتىپ كەلەدى.
استانا قالالىق پوليتسيا دەپارتامەنتىنىڭ مالىمەتىنشە, اتالعان فاكتى بويىنشا قىلمىستىق ءىس قوزعالدى.
«قازىرگى ۋاقىتتا وقيعانىڭ بارلىق ءمان-جايى انىقتالىپ جاتىر», – دەپ حابارلادى ۆەدومستۆو.
وسىعان بايلانىستى پوليتسيا اتا-انالاردى قاۋىپسىزدىك تالاپتارىن قاتاڭ ساقتاۋعا شاقىرادى:
- بالالاردى قاراۋسىز قالدىرماۋ;
• بالا بار كەزدە تەرەزەنى اشىق قالدىرماۋ;
• ماساعا قارسى تورلارعا سەنىم ارتپاۋ, سەبەبى ولار بالانىڭ سالماعىن كوتەرە المايدى;
• تەرەزەلەرگە ارنايى بەكىتكىشتەر مەن قاۋىپسىزدىك ق ۇلىپتارىن ورناتۋ;
• بالالاردىڭ تەرەزەگە وزدىگىنەن جاقىنداۋىنا جول بەرمەۋ ءۇشىن جيھازداردى تەرەزە ماڭىنان الىس ورنالاستىرۋ.
مامانداردىڭ ايتۋىنشا, جاز مەزگىلىندە تەرەزەدەن قۇلاۋ وقيعالارى جيىلەيدى. سوندىقتان اتا-انالار بالالاردىڭ قاۋىپسىزدىگىنە ەرەكشە ءمان بەرۋى قاجەت.
