اتالعان جارىستا ەلىمىزدىڭ سپورتشىسى الينۇر قۋات ۇلى تاريحي جەتىستىككە قول جەتكىزدى. ول قوڭىر بەلبەۋ يەگەرلەرى اراسىندا 70 كەلىگە دەيىنگى سالماق دارەجەسىندە التىن مەدال جەڭىپ الدى.
بۇل جەڭىس قازاقستان, ورتالىق ازيا جانە تمد ەلدەرى تاريحىنداعى اتالعان سانات بويىنشا Worlds الەم چەمپيوناتىندا تىركەلگەن العاشقى التىن جۇلدە رەتىندە تاريحقا ەندى.
قازاقستان قۇراماسىنىڭ تابىستى ونەرىن سەيىلحان بولاتبەك جالعاستىرىپ, 76 كەلىگە دەيىنگى سالماق دارەجەسىندە قوڭىر بەلبەۋلىلەر اراسىندا چەمپيون اتاندى. ول دا جارىستىڭ التىن مەدالىن يەلەنىپ, ەل قورجىنىنا تاعى ءبىر جوعارى دارەجەلى جۇلدە سالدى.
ال باتىر تەڭىزباي 64 كەلىگە دەيىنگى سالماقتا قولا مەدال جەڭىپ الىپ, ۇلتتىق قۇرامانىڭ جەتىستىگىن تولىقتىردى.
وسىنداي جوعارى دەڭگەيدەگى الەمدىك دودادا ەكى التىن جانە ءبىر قولا مەدال جەڭىپ الۋ – قازاقستان ءارى ورتالىق ازيادا برازيليالىق دجيۋ-دجيتسۋ تاريحىنداعى ەڭ ايتۋلى جەتىستىكتەردىڭ ءبىرى بولىپ وتىر.
قازاقستان سپورتشىلارىنىڭ جارقىن ونەرى وتاندىق اتلەتتەردىڭ دايىندىق دەڭگەيى قارقىندى ءوسىپ كەلە جاتقانىن كورسەتىپ قانا قويماي, ەلىمىزدىڭ وسى سپورت تۇرىندەگى حالىقارالىق بەدەلىن دە ايتارلىقتاي نىعايتتى.
