اۆتوجولدا 2 جانە 4 شاعىن اۋدان اراسىندا 2012 جىلى شىققان «كاماز» ماركالى اۆتوكولىك ورتەنگەن. ءورتتىڭ الدىن الا سەبەبى قاۋىپتىلىگى جوعارى اگرەگاتتى ابايسىز پايدالانۋ ەكەنى انىقتالدى.
«جىل باسىنان بەرى شىعىس قازاقستاندا كولىكتە 140-تان استام ءورت, جەلتوقسان ايىندا 15 ءورت وقيعاسى ورىن الدى. ەگەر سىمدار قاتتى توزعان بولسا, ۇشقىن شىعارسا نەمەسە كۇدىك تۋدىرسا, ونى دەرەۋ اۋىستىرۋ كەرەك. سونىمەن قاتار كۇندەلىكتى ءاۆتوموبيلدىڭ بارلىق بولىكتەرىن, اسىرەسە قوزعالتقىش بولىگىن تەكسەرىپ, كوزبەن قاراۋ كەرەك. ەگەر ءبىر جەردە ماي ازداپ اعىپ كەتسە نەمەسە بەنزيننىڭ قاتتى ءيىسى سەزىلسە, وندا بۇل ماي قۇبىرىنىڭ نەمەسە وتىن قۇبىرىنىڭ زاقىمدانۋىن كورسەتۋى مۇمكىن», دەپ ءتۇسىندىردى شقو تجد باستىعىنىڭ ورىنباسارى سەرىك امانگەلدين.
«ادام فاكتورى» ورتا ەسەپپەن اۆتوموبيل ورتتەرىنىڭ 20% قۇرايدى. ولاردىڭ ەڭ كوپ تارالعان سەبەپتەرىنىڭ ءبىرىنشىسى-اشىق وتتى پايدالانۋ (مىسالى, ايازدا ماشينانى جىلىتۋ كەزىندە ۇرلەگىشتى پايدالانۋ) جانە جوندەۋ جۇمىستارىندا دانەكەرلەۋدى قولدانۋ. ويتكەنى ءاۆتوموبيلدىڭ قوزعالتقىشى مەن ءجۇرىس بولىگىندە ونى پايدالانۋ كەزىندە بىرتىندەپ ماي مەن بەنزين كۇيەسى جينالاتىنىن ءبارى بىلە بەرمەيدى. شاڭمەن ارالاسقاننان كەيىن ولار جانعىش قوسپاعا اينالادى, ول كىشكەنە ۇشقىننان شىعۋى مۇمكىن.
اۆتوكولىككە دوڭعالاق ديسكىلەرىنە نەمەسە اۆتوموبيل كورپۋسىنا ارنايى جارىقتاندىرۋ تۇرىندە جاڭا ءساندى قوسىمشا ەلەكتر جابدىقتارىن ورناتۋ, ءارتۇرلى انتيرادارلار جانە ت.ب. كولىكتە جانۋدى تۋدىرۋى مۇمكىن.
