وقۋ-اعارتۋ ءمينيسترى اسحات ايماعامبەتوۆ ۇلتتىق جوبا مەملەكەت باسشىسىنىڭ تاپسىرماسى بويىنشا مەكتەپ ينفراقۇرىلىمىن جاڭعىرتۋ ءۇشىن ازىرلەنگەنىن ايتتى. ونىڭ اياسىندا 842 مىڭ وقۋشىعا ارنالعان جاڭا فورماتتاعى وقۋ ورىندارىنىڭ اۋقىمدى قۇرىلىسى جۇرگىزىلەدى.
ماسەلەن, جايلى مەكتەپتەر قاجەتتى وقۋ جابدىقتارىمەن, ءتۇرلى پاندىك كابينەتتەرمەن, بەينەباقىلاۋ جانە دىبىستىق حابارلاۋ جۇيەلەرىمەن, بالالارعا ارنالعان جەكە شكافتارمەن تولىق جابدىقتالاتىن بولادى.
مۇنداي مەكتەپتەر اۋىلدا دا, قالادا دا بىرىڭعاي ستاندارت بويىنشا سالىنادى. وعان قوسا, وندا ەرەكشە قاجەتتىلىكتەرى بار بالالار ءۇشىن جاعداي جاسالاتىن بولادى.
سونىمەن قاتار, ءمينيستردىڭ ايتۋىنشا, جاڭا مەكتەپتەر ءۇشىن مۇعالىمدەردى دايارلاۋ جانە بىلىكتىلىك ارتتىرۋ جۇمىستارى جالعاسادى. جالپى 2026 جىلعا قاراي 100 مىڭعا جۋىق مامان دايىندالادى دەپ جوسپارلانعان.
پرەمەر-مينيستر «جايلى مەكتەپ» ۇلتتىق جوباسى مەكتەپتەردەگى ورىن تاپشىلىعىن بولدىرماۋعا, اپاتتى جاعدايداعى جانە ءۇش اۋىسىمدى مەكتەپتەر ماسەلەسىن شەشۋگە باعىتتالىپ وتىرعانىن اتاپ ءوتتى. سونداي-اق جاڭا ءبىلىم وردالارىندا پاندىك كابينەتتەر, كومپيۋتەرلىك سىنىپتار, زەرتحانالار مەن شەبەرحانالار بولادى.
«باستاۋىش جانە جوعارى سىنىپتارعا ارنالعان بولەك بلوكتار قاراستىرىلعان. ءار بلوكتىڭ ءوز اسحاناسى مەن سپورت زالى بولادى. مەكتەپ ىشىندە وقۋلىقتار مەن جەكە زاتتاردى ساقتاۋعا ارنالعان جەكە شكافتار ورناتىلادى. وسىلايشا, وقۋشىلاردىڭ اۋىر سومكەلەرىن ءبىرشاما جەڭىلدەتۋگە مۇمكىندىك تۋادى», دەدى ءاليحان سمايىلوۆ.
ۇكىمەت باسشىسىنىڭ ايتۋىنشا, سونداي-اق وقۋشىلارعا ىڭعايلى بولۋ ءۇشىن ترانسفورمەر-پارتالار مەن «اۋىزسۋ فونتاندارى» قويىلادى. ءار قاباتتا وقۋشىلارعا ارنالعان تىنىعۋ الاڭدارى بولادى.
پرەمەر-مينيستر 2023-2025 جىلدارى ەلىمىزدە 401 جايلى مەكتەپ سالۋ جوسپارلانىپ وتىرعانىن ايتتى. جالپى جوبانى ىسكە اسىرۋعا رەسپۋبليكالىق بيۋدجەتتەن 2,6 ترلن تەڭگە ءبولىندى.
«جوبانى ىسكە اسىرۋ بالالاردىڭ جاقسى ءبىلىم الۋى ءۇشىن قاجەتتى جاعداي جاساۋعا مۇمكىندىك بەرەدى. ءوڭىر اكىمدەرى جىل سوڭىنا دەيىن جەر ۋچاسكەلەرىن ءبولىپ, ينجەنەرلىك كوممۋنيكاتسيالاردى جۇرگىزۋ ماسەلەسىن مۇقيات ويلاستىرۋى قاجەت», دەدى ءاليحان سمايىلوۆ.
تاقىرىپتى قورىتىندىلاي كەلە, ۇكىمەت باسشىسى وقۋ-اعارتۋ مينيسترلىگىنە مۇددەلى مەملەكەتتىك ورگاندارمەن جانە اكىمدىكتەرمەن بىرلەسىپ, جوباداعى ءىس-شارالاردىڭ ۋاقىتىلى ورىندالۋىن قامتاماسىز ەتۋدى تاپسىردى.
