ەلوردا اكىمدىگى اۆتوپاركتى قوعامدىق كولىكپەن جاڭارتۋ جانە تولىقتىرۋ بويىنشا, ونىڭ ىشىندە جەكە ينۆەستيتسيالاردى جۇمىلدىرۋ ەسەبىنەن جۇيەلى جۇمىس جۇرگىزۋدە. جاڭا ەلەكتر اۆتوبۋستارى اۆتوپاركتى ايتارلىقتاي جاڭارتۋعا, جاڭا مارشرۋتتاردى ەنگىزۋگە, ايالدامالاردا اۆتوبۋستاردىڭ كۇتۋ ارالىعىن قىسقارتۋعا مۇمكىندىك بەرەدى.
«City Transportation Systems» جشس قازىرگى ۋاقىتتا اۆتوبۋس پاركىن 300-دەن استام ەلەكترواۆتوبۋسپەن جاڭارتۋ جانە تولىقتىرۋ بويىنشا ءۇش ينۆەستورمەن جۇمىس جۇرگىزىپ جاتىر. جەكە ينۆەستيتسيالار ەسەبىنەن قالادا اۆتوبۋس پاركى دە سالىندى.
بۇعان دەيىن استانادا جەلىگە 115 ەلەكترواۆتوبۋس شىعارىلعان بولاتىن. بيىل قىس مەزگىلىندە جەلىگە تاعى 50 ەلەكترواۆتوبۋس شىعارۋ جوسپارلانىپ وتىر. ەلەكتر اۆتوبۋستارىنىڭ ەكولوگيالىق تۇرعىدا تازا بولۋىنداعى ارتىقشىلىقتارى: اتموسفەراعا زياندى شىعارىندىلاردىڭ بولماۋى, ولاردى پايدالانۋ كەزىندەگى ۇنەمدىلىك جانە ت.ب.
سونىمەن قاتار بيىل جىل باسىنان بەرى قوعامدىق كولىك مارشرۋتتارىنىڭ 27 سحەماسىن وڭتايلاندىرۋ بويىنشا جۇمىس جۇرگىزىلدى, جاڭا مارشرۋتتار ىسكە قوسىلدى, Bus lane جاڭا ۋچاسكەلەرى ەنگىزىلدى, 15 ايالداما پۋنكتى قوسىلدى جانە ت.ب. سوڭعى جىلدارى 70 جىلى ايالداما ورناتىلدى, تاعى 20 جىلى ايالداما بويىنشا ينجەنەرلىك جەلىلەرگە قوسىلۋ بويىنشا جۇمىستار جۇرگىزىلۋدە.
