ءمينيستردىڭ ايتۋىنشا, قازاقستان بيلىگى رەسەيدەن قونىس اۋدارۋعا دايىن كومپانيالاردىڭ ءتىزىمىن جاساعان.
«ولارمەن قازاقستانداعى جۇمىس مۇمكىندىكتەرى تۋرالى اقپاراتتاندىرۋ بويىنشا ءتيىستى جۇمىستار جۇرگىزىلدى. بۇگىنگى تاڭدا ولاردىڭ 56 كومپانياسى جۇمىس ىستەۋگە, كەڭسەلەرىن قازاقستانعا كوشىرۋگە نيەت ءبىلدىردى. قازىر ءبىز ولارمەن قونىس اۋدارۋ شارتتارى, ۋاقىتى مەن ورنى بويىنشا اۋقىمدى جۇمىس جۇرگىزىپ جاتىرمىز», دەدى اليحان سمايىلوۆ.
قازىرگى تاڭدا كەيبىر كومپانيالار وڭ شەشىم قابىلداپ, كەڭسەلەرىن كوشىرە باستاعان. بۇل Honeywell, inDriver, Fortescue, Marubeni جانە ت.ب. حالىقارالىق كومپانيالار. تويوتا كومپانياسىمەن كەلىسسوزدەر ءالى دە ءجۇرىپ جاتىر.
سونداي-اق پرەمەر-مينيستر كومپانيالاردىڭ رەسەي ەكونوميكاسىنان كەتۋ تۋرالى شەشىمى سانكتسيالارمەن بايلانىستى ەكەنىن اتاپ ءوتتى.
