ەلوردا • 28 قىركۇيەك، 2022

ەلوردا جارمەڭكەسىندە شقو مەن اباي وبلىسىنىڭ ونىمدەرى ۇسىنىلادى

79 رەت كورسەتىلدى

قازاننىڭ 1 جانە 2 كۇندەرى ەلوردادا كەزەكتى اۋىل شارۋاشىلىعى جارمەڭكەسى وتەدى. بۇل جولى ەلوردا تۇرعىندارى شىعىس قازاقستان مەن اباي وبلىستارىنىڭ تاۋارلارىن ساتىپ الا الادى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

ەكى وبلىستىڭ اۋىل شارۋاشىلىعى تاۋار وندىرۋشىلەرى مەن قايتا وڭدەۋ كاسىپورىندارى ەلوردا تۇرعىندارى مەن قوناقتارىنا جوعارى ساپالى، ەكولوگيالىق تازا ونىمدەر ۇسىنادى. قوس ءوڭىردىڭ شارۋالارى 282 توننانى قۇرايتىن 70-تەن استام تاۋار ءتۇرىن اكەلەدى دەپ كۇتىلۋدە.

ونىڭ ىشىندە: 91 توننا كارتوپ پەن كوكونىس، 59،9 توننا بال، 48،8 توننا ەت، 17 توننا كۇنباعىس مايى، 13 توننا باقشا داقىلدارى، 8 توننا ءسۇت ونىمدەرى، 7،5 توننا بالىق ونىمدەرى، 5 توننا قۇس ەتى، 5 توننادان استام قىمىز جانە پانتى ونىمدەرى، 4 توننا ۇلتتىق تاعامدار جانە 3 توننا شۇجىق ونىمدەرى بار.

اكىمدىكتىڭ حابارلاۋىنشا، بارلىق ونىمدەر سانيتارلىق-ەپيدەميولوگيالىق تالاپتارعا سايكەس كەلەدى جانە ساتۋشىلاردا ونىمدەردىڭ شىعۋ تەگىن، ساپاسى مەن قاۋىپسىزدىگىن راستايتىن قۇجاتتار بولادى.

ۆ

سونداي-اق جارمەڭكە اياسىندا ەلوردا تۇرعىندارى مەن قوناقتارى ءۇشىن كونتسەرتتىك باعدارلاما دايىندالدى.

ايتا كەتسەك، اتالعان جارمەڭكە اۋىل شارۋاشىلىعى وندىرۋشىلەرىنە ءوز ونىمدەرىن تىكەلەي تۇتىنۋشىلارعا دەلدالسىز ساتۋعا مۇمكىندىك بەرەدى، سونىڭ ناتيجەسىندە تاۋارلاردىڭ باعاسى نارىقتىق باعادان 10-20%-عا تومەن بولادى.

جارمەڭكەلەر ءار سەنبى جانە جەكسەنبىدە 30 قازانعا دەيىن وتەدى. وتەتىن ورنى: تۇران 48 مەكەنجايى بويىنشا ورنالاسقان «استانا-ارەنا» ستاديونىنىڭ جانىنداعى الاڭ.

8-9 قازان كۇندەرى استاناعا سولتۇستىك قازاقستان جانە اقتوبە وبلىستارىنىڭ كاسىپكەرلەرى كەلەدى.

ۆ

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار