جيىنعا ەۋروپالىق كەڭەستىڭ پرەزيدەنتى شارل ميشەل, يسپانيا پرەمەر-ءمينيسترى پەدرو سانچەس, كانادا پرەمەر-ءمينيسترى دجاستين تريۋدو, سەنەگال پرەزيدەنتى ماكي سالل, اقش مەملەكەتتىك حاتشىسى ەنتوني بلينكەن جانە باسقا دا الەمدىك ساياساتكەرلەر قاتىستى.
مەملەكەت باسشىسى بۇگىندە ازىق-ت ۇلىك قاۋىپسىزدىگىن قامتاماسىز ەتۋ الەمدەگى ەڭ وزەكتى ماسەلەلەردىڭ ءبىرى ەكەنىن اتاپ ءوتتى. سونداي-اق 2019 جىلى وسى فورماتتا وتكەن سوڭعى كەزدەسۋدەن بەرى ازىق-ت ۇلىك تاپشىلىعىنا تاپ بولعان ادامداردىڭ سانى 135 ميلليوننان 345 ميلليون ادامعا دەيىن وسكەنىنە نازار اۋداردى.
قاسىم-جومارت توقاەۆ جاھاندىق ازىق-ت ۇلىك تاپشىلىعىمەن كۇرەسۋ ءۇشىن قازاقستان الداعى ۋاقىتتا ءوزىنىڭ اۋىل شارۋاشىلىعى الەۋەتىن پايدالانۋعا نيەتتى ەكەنىن مالىمدەدى. پرەزيدەنت ءبىزدىڭ ەلىمىز استىق پەن ازىق-ت ۇلىكتىڭ باسقا دا نەگىزگى تۇرلەرىنىڭ سەنىمدى جەتكىزۋشىسى بولىپ قالا بەرەتىنىن ايتتى.
مەملەكەت باسشىسى اشتىققا قارسى ءىس-ارەكەت جونىندەگى كۇش-جىگەردى جانداندىرۋعا شاقىردى. وسى رەتتە, پرەزيدەنت ازىق-ت ۇلىك قاۋىپسىزدىگى جونىندەگى يسلام ۇيىمىمەن جانە وڭىردەگى بۇۇ ينستيتۋتتارىمەن ءتۇرلى ساتىپ الۋ جوبالارى, سونىڭ ىشىندە اۋعانستان قاجەتتىلىكتەرى ءۇشىن ىنتىماقتاستىقتى كەڭەيتۋگە دايىن ەكەنىن جەتكىزدى.
پرەزيدەنت قارا تەڭىز استىق باستاماسىن جۇزەگە اسىرۋدى جاقتاپ, ازىق-ت ۇلىك پەن تىڭايتقىشتاردى بارلىق سانكتسيالار مەن شەكتەۋلەردەن بوساتۋدىڭ, ولاردى كەدەي ەلدەرگە جەتكىزۋدى قامتاماسىز ەتۋدىڭ ماڭىزدى ەكەنىن اتاپ ءوتتى.
قاسىم-جومارت توقاەۆ ەلىمىزدىڭ ترانزيتتىك-كولىك مۇمكىندىكتەرىنە, سونىڭ ىشىندە ترانسكاسپي حالىقارالىق كولىك ءدالىزىنىڭ الەۋەتىنە توقتالدى.
– الداعى جىلدارى قازاقستان ارقىلى جۇك تاسىمالداۋ كولەمى ايتارلىقتاي ارتادى دەپ بولجاپ وتىرمىز. قىسقا قاراي قازاقستان ەنەرگيا رەسۋرستارى مەن اسا ماڭىزدى شيكىزات تاۋارلارىنىڭ تاپشىلىعىن ازايتا الادى, – دەدى مەملەكەت باسشىسى.
پرەزيدەنت كليماتتىڭ وزگەرۋىنە جانە ازىق-ت ۇلىك جۇيەلەرىنىڭ قۇرىلىمدىق تۇرعىدا السىزدىگىنە بايلانىستى سىن-قاتەرلەرگە دە توقتالدى. سونداي-اق قازاقستان حالىقارالىق ترانزيتتىك حاب رەتىندە جاھاندىق جانە تۇراقتى جەتكىزۋ تىزبەگىن قۇرۋعا قابىلەتتى ەكەنىن جەتكىزدى.
قاسىم-جومارت توقاەۆ ءسوزىن قورىتىندىلاي كەلە, وتكەن عاسىردىڭ وتىزىنشى جىلدارىنداعى ناۋبەت كەزىندە قازاقستان اشتىق قاسىرەتىن باستان كەشكەنىن, سوندىقتان ازىق-ت ۇلىك پروبلەمالارىن شەشۋگە تولىق مۇددەلى ەكەنىن ايتتى.
