فوتو: gov.kz
ءىس قۇپيا رەجيمگە وتكەندىكتەن سوت پروتسەسىنە جۋرناليستەر مەن ايىپتالۋشىنىڭ تۋىستارى كىرگىزىلمەگەن.
بۇعان دەيىن ادۆوكات يكراميدين ايتقۇلوۆ قامشىبەك تاشيەۆكە قىرعىز رەسپۋبليكاسى قىلمىستىق كودەكسىنىڭ «بيلىكتى كۇشپەن باسىپ الۋ نەمەسە ۇستاپ تۇرۋ, سونداي-اق كونستيتۋتسيالىق قۇرىلىستى كۇشپەن وزگەرتۋگە باعىتتالعان ارەكەتتەر» جانە «قىزمەتتىك وكىلەتتىگىن اسىرا پايدالانۋ» باپتارى بويىنشا ايىپ تاعىلعانىن مالىمدەگەن.
تاشيەۆپەن بىرگە قىرعىزستاننىڭ بۇرىنعى باس پروكۋرورى قۇرمانقۇل زۇلۋشەۆ پەن ەكس-سپيكەر نۇرلانبەك تۇرعىنبەك ۇلى دا وسى ءىس بويىنشا فيگۋرانت رەتىندە اتالىپ وتىر. الايدا ولاردىڭ ءىس بويىنشا ناقتى مارتەبەسى ازىرگە بەلگىسىز.
بۇعان دەيىن اتاپ وتكەندەي, قىرعىزستان مەدياسى بۇل تەرگەۋدى «75 ادامنىڭ حاتى» دەگەن وقيعامەن بايلانىستىرىپ وتىر. اقپاندا 75 ازامات پرەزيدەنت سادىر جاپاروۆ پەن پارلامەنت سپيكەرى نۇرلانبەك تۇرعىنبەك ۇلىنا اشىق ۇندەۋ جولداپ, ەلدە مەرزىمىنەن بۇرىن پرەزيدەنت سايلاۋىن وتكىزۋدى تالاپ ەتكەن.
وسىدان كەيىن, 10 اقپاندا سادىر جاپاروۆ ءوزىنىڭ ۇزاق جىلدار بويعى سەرىكتەسى بولعان قامشىبەك تاشيەۆتى قىزمەتىنەن بوساتتى.
