فوتو: New York State Sex Offender Registry via AP
تەرگەۋدىڭ ماقساتى − فرانتسيا اۋماعىندا ادام ساۋداسىنا قاتىستى ءىس بويىنشا ەپشتەيننىڭ قىلمىستىق ارەكەتىنە كومەكتەسكەن ىقتيمال دەلدالداردى انىقتاۋ.
«قازىرگى كەزەڭدە جاۋاپقا تارتىلۋى مۇمكىن تۇلعالاردان جاۋاپ الىنعان جوق», دەدى پاريج پروكۋرورى لور بەكو.
ونىڭ سوزىنشە, ەڭ الدىمەن ىقتيمال جابىرلەنۋشىلەردىڭ ارىزدارىن جيناپ, سودان كەيىن زاتتاي دالەلدەمەلەردى زەرتتەۋ كەرەك.
فەدەرالدى جازا: اقش-تا ەڭ اۋىر قىلمىس جاساعانداردى گازبەن تۇنشىقتىرۋى مۇمكىن
تەرگەۋدىڭ سوڭعى كەزەڭىندە ەپشتەيننىڭ كومپيۋتەرىندەگى دەرەكتەرگە, ونىڭ تەلەفونمەن سويلەسۋ كەزىندەگى اڭگىمەلەرى جانە مەكەنجاي كىتاپشالارىنا ساراپتاما جاسالماق.
دجەففري ەپشتەين 2008-2009 جىلدارى جەزوكشەلىك ۇيىمداستىرعانى ءۇشىن جازا وتەگەن. ول 2019 جىلعى 6 شىلدەدە كامەلەتكە تولماعانداردى سەكسۋالدىق قاناۋ ايىبى بويىنشا قايتا قاماۋعا الىنىپ, 10 تامىزدا مانحەتتەندەگى تۇرمە كامەراسىندا اسىلىپ قالعان كۇيىندە تابىلعان.
2025 جىلدىڭ جەلتوقسانىندا ەپشتەين ىسىنە قاتىستى قۇجاتتاردىڭ العاشقى بولىگى جاريالاندى. ال 2026 جىلعى 30 قاڭتاردا اقش ادىلەت مينيسترلىگى «ەپشتەين فايلدارىنان» تاعى 3 ميلليوننان استام بەت, 2000 بەينەجازبا جانە 180 مىڭ سۋرەتتى جاريا ەتتى.
زورلىق-زومبىلىقتان زارداپ شەككەن بالالارعا ارنالعان كومەك كابينەتتەرى اشىلادى
بۇعان دەيىن اقش-تا ەندى ەڭ اۋىر قىلمىس جاساعاندارعا قاتىستى اتۋ, ەلەكتر ورىندىعى جانە گازبەن تۇنشىقتىرۋ ادىستەرى قولدانىلۋى مۇمكىن ەكەنىن جازعان بولاتىنبىز.
