فوتو: بەينەجازبادان
سوتتا پروكۋرور ميراس باۋىرجانوۆ ايىپتاۋ اكتىسىن وقىپ, قىلمىستىڭ حرونولوگياسىن باياندادى. تەرگەۋ نۇسقاسىنا سايكەس, العاشقى قۇربان بۇرىنعى ايەلىنىڭ اعاسى ناۋرىز مۇقانعاليەۆ بولعان. وقيعادان كەيىن كۇدىكتى جانگەلدين اۋىلىنا بارعان.
پروكۋروردىڭ ايتۋىنشا, سول جەردە ونىڭ بۇرىنعى جۇبايىنىڭ تۋىستارىمەن جانجال تۋىنداعان. تەرگەۋ نۇسقاسىندا ول اس ءۇي پىشاعىمەن بۇرىنعى ايەلىنىڭ اناسىن جانە كەيىننەن قايىن اتاسىن ولتىرگەنى ايتىلعان.
اتىراۋدا 4 ادامدى ولتىرگەن كۇدىكتى ءومىر بويىنا باس بوستاندىعىنان ايىرىلۋى مۇمكىن
ودان كەيىن ول بۇرىنعى ايەلىنىڭ اپكەسى مەيرامگۇلدى تاكسيمەن اتىراۋعا جەتكىزىپ, مۇنايشى شاعىناۋدانىنداعى جالدامالى ۇيدە ءولتىرىپ, دەنەسىن اۋلاعا كومگەن. تەرگەۋ مالىمەتىنشە, سول جەردەگى ءبىر قابىردە بۇعان دەيىن ناۋرىز مۇقانعاليەۆتىڭ دەنەسى بولعان.
سوت بارىسىندا جابىرلەنۋشىلەردىڭ تۋىستارى وتباسىنىڭ اجىراسۋ سەبەپتەرىنە ارالاسۋ بولماعانىن ايتىپ, بۇل نۇسقانى جوققا شىعاردى.
سوت پروتسەسىندە كۇدىكتى بار كىناسىن مويىنداپ, قىلمىستى قاساقانا ۇيىمداستىرعانىن مالىمدەگەن بولاتىن.
