فوتو: اشىق دەرەككوز
جاساندى ينتەللەكت جانە تسيفرلىق دامۋ مينيسترلىگى نەگىزگى جوبا رەتىندە ازەربايجان, تۇركيا جانە وزبەكستانداعى ارىپتەستەرىمەن تىعىز ىنتىماقتاستىقتا ازىرلەپ جاتقان CubeSat-12U عىلىمي-تەحنولوگيالىق سپۋتنيگىن اتادى. جوبا سينەرگيا قاعيداتى بويىنشا جۇزەگە اسىرىلىپ جاتىر. استاناداعى وتاندىق عارىش سالاسىنىڭ ماماندارى وتاندىق قۇراستىرۋ-سىناق كەشەنى بازاسىندا جوبالاۋ مەن جالپى قۇراستىرۋعا جاۋاپ بەرەدى. وزبەك تاراپى قوزعالتقىش قوندىرعىسىن ازىرلەيدى, ال تۇركياداعى سەرىكتەستەر كۇن پانەلدەرى مەن باعدارلامالىق قامتاماسىز ەتۋدى ۇسىنادى.
جاسلان ماديەۆ: تسيفرلىق داۋىردە دەربەس دەرەكتەردى قورعاۋ ماسەلەسى ەرەكشە ماڭىزعا يە
ء«بىز ءۇشىن بۇل جوبا − جاي عانا تاعى ءبىر اپپاراتتى ۇشىرۋ ەمەس. بۇل − ءبىزدىڭ ەلدەرىمىز ءۇشىن العاشقى ناقتى تەحنولوگيالىق بىرىگۋ نۇكتەسى. كەلەسى جىلى سپۋتنيك وربيتاعا شىققاندا, بۇل تۇركى مەملەكەتتەرىنىڭ ەڭ كۇردەلى عىلىمي مىندەتتەردى بىرلەسىپ جۇزەگە اسىرا الاتىنىن دالەلدەيتىن ورتاق جەتىستىك بولادى», دەدى جاسلان ماديەۆ.
جوبا قازىردىڭ وزىندە سىزبالار كەزەڭىنەن ءوتىپ, جۇيەلەردى ناقتى قۇراستىرۋ ساتىسىنا كوشتى. سپۋتنيكتى ۇشىرۋ كەلەسى جىلعا جوسپارلانعان. بۇل تۇركى مەملەكەتتەرىنىڭ تەحنولوگيالىق امبيتسيالارىنىڭ بايىپتىلىعىن دالەلدەيتىن ماڭىزدى كەزەڭ بولماق.
قازىرگى تاڭدا قاتىسۋشى ەلدەر ميسسيانىڭ ءساتتى باستالۋىن قامتاماسىز ەتۋ ءۇشىن تمۇ حاتشىلىعى ارقىلى قۇقىقتىق جانە ۇيىمداستىرۋشىلىق ماسەلەلەردى پىسىقتاپ جاتىر. مۇنداي ىنتىماقتاستىق تەك تاجىريبە الماسۋعا عانا ەمەس, سونىمەن قاتار ورتاق ينجەنەرلىك مەكتەپ پەن وربيتاداعى جاڭا بىرلەسكەن جاڭالىقتارعا نەگىز بولاتىن ناقتى جوعارى تەحنولوگيالىق ءونىم جاساۋعا مۇمكىندىك بەرەدى.
جاساندى ينتەللەكت ورتا ءبىلىم بەرۋ جۇيەسىن دامىتۋدىڭ باسىم باعىتتارىنىڭ بىرىنە اينالادى
ايتا كەتەيىك, مەملەكەت باسشىسى قاسىم-جومارت توقاەۆ تۇركى مەملەكەتتەرى ۇيىمىنىڭ بەيرەسمي سامميتىندە ءسوز سويلەپ, تۇركى ەلدەرىنىڭ جاساندى ينتەللەكت ورتالىقتارىنىڭ جەلىسىن قۇرۋدى ۇسىندى.
