شقو توتەنشە جاعدايلار دەپارتامەنتىنىڭ ءباسپاسوز قىزمەتى حابارلاعانداي, قۇتقارۋشىلار, پوليتسيا قىزمەتكەرلەرى مەن ەرىكتىلەر وزەن-كول جاعالاۋلارىندا رەيد جۇرگىزۋدى جالعاستىرۋدا. جاز شىققالى سۋداعى جازاتايىم وقيعالاردىڭ الدىن الۋ ماقساتىندا 2000-نان استام رەيد جۇرگىزىلگەن.
2022 جىلدىڭ باسىنان بەرى وڭىردەگى سۋ ايدىندارىنا 10 ادام باتىپ كەتتى. قايعىلى جاعدايلاردىڭ 7-ەۋى شومىلۋ ماۋسىمىندا بولعان. پروفيلاكتيكالىق رەيدتەردىڭ ناتيجەسى بويىنشا قر اقبتك-ءنىڭ 440-بابىمەن (الكوگولدى ىشىمدىك ءىشۋ نەمەسە قوعامدىق ورىندا ماس كۇيدە ءجۇرۋ) 47 ازامات, 364-بابىمەن (ورتاق سۋ پايدالانۋ قاعيدالارىن بۇزۋ) 48 ادام اكىمشىلىك جاۋاپكەرشىلىككە تارتىلدى.
«اسىرەسە, ماس ازاماتتاردى انىقتاپ, جاۋاپقا تارتۋدىڭ – سۋداعى جازاتايىم وقيعالاردىڭ الدىن الۋدا ماڭىزى زور. تۇرعىندارعا تەك ارنايى جابدىقتالعان جاعاجايلاردا شومىلۋ قاجەتتىگىن ەسكە سالامىز. ەشقاشان قاۋىپتى جەرلەرگە بارىپ, ءوز ومىرىڭىزگە قاۋىپ توندىرمەڭىز. تىيىم سالۋ بەلگىلەرى سۋ ءتۇبىنىڭ تەكسەرىلمەگەندىگىن كورسەتەدى», دەدى وبلىستىق تجد باستىعىنىڭ ورىنباسارى ارمان توقانوۆ.
