قوعام • 15 تامىز، 2022

شقو-دا جوعالىپ كەتكەن بالا ءالى تابىلعان جوق

36 رەت كورسەتىلدى

شىعىس قازاقستان وبلىسىندا جوعالىپ كەتكەن 12 جاستاعى تەمىرلان احمەدجانوۆ ءالى تابىلمادى. ىزدەستىرۋ جۇمىستارى ءتۇنى بويى جۇرگىزىلدى، دەپ حابارلايدى Egemen.kz ىشكى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ.

«قازىر ىزدەۋ جۇمىستارى جالعاسىپ جاتىر. جەدەل شتاب قۇرىلدى. وعان ازاماتتار قاجەتتى اقپارات الۋ جانە ىزدەستىرۋ ءىس-شارالارىنا قاتىسۋ ءۇشىن جۇگىنە الادى»، دەلىنگەن رەسمي حابارلامادا.

ەسكە سالا كەتسەك، وسكەمەن قالاسىندا 12 جاستاعى بالا تۇندە ۇيدەن كەتىپ قالعان. شقو پوليتسيا دەپارتامەنتىنىڭ ءباسپاسوز قىزمەتى حابارلاعانداي، «102» جەدەل ارناسىنا حابارلاسقان ازامات 14 تامىزدا ساعات 2:30 شاماسىندا ۇيدەن بەلگىسىز باعىتتا شىعىپ كەتكەن بالاسىنىڭ تابىلماي جاتقانىن ايتتى. ايتا كەتسەك، تەمىرلان احمەدجانوۆ اۋتيزممەن اۋىرادى. بالانىڭ ۇستىندە كوك جەمپىر، كامۋفلياجدى شالبار بولعان. جاسىل ءتۇستى اياق كيىم كيگەن.

سوڭعى جاڭالىقتار

ۇقساس جاڭالىقتار