وقيعا بىلاي بولعان: 2018-2020 جىلدار ارالىعىندا تەرەكتى اۋدانى بالالار مۋزىكا مەكتەبىنىڭ باس بۋحگالتەرى ا.بەردنيكوۆ ءوزىنىڭ قىزمەتتىك جاعدايىن پايدالانىپ, كاسىپورىن ديرەكتورىنىڭ ەلەكتروندى-تسيفرلى قولتاڭباسىن قويىپ, ينتەرنەت-بانكينگ ارقىلى ءوزىنىڭ جەكە شوتتارىنا جالاقى جانە باسقا دا تولەمدەردى نەگىزسىز اۋدارعان. ءسويتىپ, ءۇش جىل ىشىندە مەملەكەتكە جالپى كولەمى 22 200 790 تەڭگە زالال كەلتىرگەن.
وسى ءىستى تەرگەپ-تەكسەرگەن قارجى مونيتورينگى اگەنتتىگىنىڭ باتىس قازاقستان وبلىسى بويىنشا اۋماقتىق دەپارتامەنتى الگى بۋحگالتەردىڭ ۇرلاعان قارجىنى ويىن-ساۋىققا جانە بۋكمەكەر كەڭسەلەرىندە ءباس تىگۋگە جۇمساعانىن انىقتاعان.
جاقىندا باتىس قازاقستان وبلىسى تەرەكتى اۋداندىق سوتى ا.بەردنيكوۆتى قازاقستان رەسپۋبليكاسى قىلمىستىق كودەكسىنىڭ 189-بابى 4-بولىگىنىڭ 2-تارماعىندا كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىدى.
وزىنە سەنىپ تاپسىرىلعان اقشا قاراجاتىن اسا ءىرى مولشەردە جىمقىرعانى ءۇشىن باسقۇمار بۋحگالتەر جەتى جىل مەرزىمگە باس بوستاندىعىنان ايىرىلدى. بۇعان قوسا ول 5 جىلعا دەيىن مەملەكەتتىك ۇيىمداردا جانە كۆازيمەملەكەتتىك سەكتور سۋبەكتىلەرىندە, كوممەرتسيالىق جانە كوممەرتسيالىق ەمەس ۇيىمداردا قارجىلىق قىزمەتكە جانە ماتەريالدىق جاۋاپكەرشىلىككە بايلانىستى لاۋازىمداردى اتقارا المايدى.
باتىس قازاقستان وبلىسى
