بىرقاتار وڭىردە داۋىلدى ەسكەرتۋ جاريالاندى

20 ماۋسىمدا قوستاناي وبلىسىنىڭ باتىسىندا, شىعىسىندا نايزاعاي ويناپ, بۇرشاق جاۋىپ, داۋىل سوعۋى ىقتيمال. سولتۇستىك-باتىستان سوعاتىن جەل وڭتۇستىكتىك-شىعىسقا اۋىسادى, جەلدىڭ كۇشى 15-20 م/س جەتەدى.

20 ماۋسىمدا اقمولا وبلىسىنىڭ باسىم بولىگىندە وتكىنشى جاڭبىر جاۋادى, نايزاعاي جارقىلدايدى. وبلىستىڭ سولتۇستىگىندە, باتىسىندا بۇرشاق جاۋى مۇمكىن. وڭتۇستىك-باتىستان سوعاتىن جەل سولتۇستىك-باتىسقا اۋىسادى, نايزاعاي كەزىندە ەكپىنى 15-20 م/س بولادى.

كوكشەتاۋ قالاسىنجا ءالسىن-ءالسىن نايزاعاي جارقىلدايدى.

20 ماۋسىم كۇندىز اتىراۋ وبلىسىنىڭ سولتۇستىگىندە, وڭتۇستىگىندە جانە ورتالىعىندا جەل سوعادى ەكپىنى 15-20 م/س.

اتىراۋدا سولتۇستىك-باتىستان, باتىستان جەل سوعادى, كۇندىز ەكپىنى 15-18 م/س جەتەدى.

ەرتەڭ كۇندىز اقتوبە وبلىسىنىڭ سولتۇستىگىندە نايزاعاي وينايدى. سولتۇستىك-باتىستان جەل سوعادى, كۇندىز وبلىستىڭ سولتۇستىگىندە ەكپىنى 18 م/س بولادى.

20-22 ماۋسىمدا ىلە, جەتىسۋ الاتاۋى بويىندا جاڭبىر جاۋادى. كەي ۋاقىتتا نايزاعاي وينايدى. 21-22 ماۋسىم كەي جەرلەردە بۇرشاق جاۋىپ, داۋىل سوعادى.

20 ماۋسىمدا تاڭەرتەڭ جانە كۇندىز قىزىلوردا وبلىسىنىڭ وڭتۇستىگىندە, ورتالىعىندا نايزاعاي, داۋىل كۇتىلەدى. كۇندىز وبلىستىڭ سولتۇستىگىندە شاڭدى داۋىل تۇرادى. جەل سولتۇستىك-باتىستان سوعادى, وبلىستىڭ سولتۇستىگىندە, وڭتۇستىگىندە, ورتالىعىندا كۇشى 15-20 م/س دەيىن جەتەدى. وبلىستىڭ باسىم بولىگىندە توتەنشە ءورت قاۋپى ساقتالادى.

شىعىس قازاقستان وبلىسىندا, قىزىلوردا توتەنشە ءورت قاۋپى ساقتالادى.

20 ماۋسىمدا تۇركىستان وبلىسىنىڭ تاۋلى اۋداندارىندا قاتتى جاڭبىر, بۇرشاق كۇتىلەدى. كەي ۋاقىتتا نايزاعاي ويناپ, داۋىل سوعۋى ىقتيمال. وبلىستىڭ سولتۇستىگىندە, باتىسىندا شاڭدى داۋىل تۇرادى. سولتۇستىك-باتىستان جەل سوعادى, وبلىستىڭ سولتۇستىگىندە, باتىسىندا, تاۋلى جانە تاۋ بوكتەرلى اۋداندارىندا 15-20, ەكپىنى 23 م/س. شىمكەنت جانە تۇركىستان قالالارىندا دا ءدال وسىنداي اۋا-رايى بولادى. 

ەرتەڭ الماتى وبلىسىنىڭ باتىسىندا شاڭدى داۋىل بولۋى ىقتيمال. وڭتۇستىك-باتىستان جەل سوعادى, كۇندىز باتىستا, شىعىستا جانە وبلىستىڭ تاۋلى اۋداندارىندا ەكپىنى 17-22 م/س جەتەدى. كۇندىز 35 گرادۋس ىستىق بولادى.