ايتا كەتسەك, پيتچينگكە قاتىسۋعا ءوتىنىم قابىلداۋ 18 ناۋرىزدا باستالىپ, 15 مامىردا اياقتالدى.
بيىل سالانى مەملەكەتتىك قارجىلاندىرۋ سوماسى 4,4 ملرد تەڭگە شاماسىندا. الايدا, ورتالىق كونكۋرس قورىتىندىسى ناقتى قاشان شىعاتىنىن ايتا الماي وتىر. سەبەبى, ەڭ الدىمەن ورتالىق جانىنداعى ساراپشىلىق كەڭەس مەملەكەتتىك قارجىلاندىرۋدان ءۇمىتتى كينوجابالاردى قارايدى. ودان كەيىن كونكۋرس ناتيجەسىندە ىرىكتەپ الىنعان جوبالار مەملەكەتتىك قولداۋعا ۇمىتكەر فيلمدەردىڭ سوڭعى ءتىزىمىن كەلىسەتىن ۆەدومستۆوارالىق كوميسسياعا جىبەرىلەدى. اتالعان راسىمدەر اياقتالعاننان كەيىن عانا قر مادەنيەت جانە سپورت ءمينيسترىنىڭ ۇلتتىق كينو ءوندىرىسىنىڭ تاقىرىپتىق جوسپارىنا كىرەتىن كينوجوبالاردىڭ ءتىزىمى كورسەتىلگەن بۇيرىعى شىعادى.
سوڭعى 3 جىلدا مەملەكەت ۇلتتىق كينەماتوگرافيانى قولداۋ ءۇشىن 11 ملرد تەڭگەدەن استام قاراجات بولگەن. بۇل قاراجاتقا 48 فيلم, ونىڭ ىشىندە 20 كوركەم, 12 دەرەكتى, 3 انيماتسيالىق جانە 13 دەبيۋتتىك فيلم ءتۇسىرىلدى.
