ۇلتتىق بانكتىڭ مالىمەتىنشە, ولار ءارتۇرلى سىلتاۋمەن ازاماتتاردى سمارتفونىنا بانكتىڭ ءموبيلدى قوسىمشاسىن نەمەسە قاشىقتان باسقارۋعا ارنالعان سەرۆيستى ورناتۋعا ۇگىتتەيدى.
«وسىدان كەيىن قاسكويلەر سمارتفوندى قاشىقتان تولىق باسقارۋعا مۇمكىندىك الادى: شوت اشادى, كرەديت راسىمدەيدى جانە اقشا ۇرلايدى. تەلەفون ارقىلى سويلەسۋ كەزىندە دەربەس ءارى جابىق دەرەكتەردى (شوتتا ساقتاۋلى سومانى, سمس پەن CVV كودتاردى) بەرۋدى تالاپ ەتەدى», دەپ ەسكەرتتى ۇلتتىق بانك.
ازاماتتاردىڭ جەكە دەرەكتەرىنە قول جەتكىزۋ ءۇشىن الاياقتار نەشە ءتۇرلى قيتۇرقى ارەكەتتەرگە بارادى. ولار ۇلتتىق بانك قىزمەتكەرىنىڭ جەكە باسىن راستايتىن قۇجاتتاردى, سونداي-اق اقشالاي وپەراتسيالار بويىنشا حاتتاردى نەمەسە انىقتامالاردى قولدان جاسايدى.
«ۇلتتىق بانك جەكە تۇلعانىڭ شوتىنا قىزمەت كورسەتپەيدى, جەكە تۇلعالارمەن اقشالاي ەسەپ ايىرىسۋ مەن مامىلەلەر جاساسپايدى. قازاقستان ازاماتىنىڭ شوتىنا قاتىستى قانداي دا ءبىر الاياقتىق ارەكەت, دەربەس دەرەكتەردىڭ جاريا ەتىلۋى جانە ەكىنشى دەڭگەيلى بانكتەردە نەسيە رەسىمدەۋ سەكىلدى ماسەلەلەر بويىنشا جەكە تۇلعالارعا قوڭىراۋ شالمايدى», دەپ مالىمدەدى ۇلتتىق بانك.
ۇلتتىق بانكتەگى شوتتار تەك قانا ۇلتتىق بانكتىڭ, ەكىنشى دەڭگەيلى بانكتەردىڭ جانە سانى شەكتەۋلى زاڭدى تۇلعالاردىڭ وپەراتسيالارىن ەسەپكە الۋ ءۇشىن عانا اشىلۋى مۇمكىن.
- «ۇلتتىق بانكتەن» كۇماندى حات نەمەسە وسىعان ۇقساس قوڭىراۋ قابىلداساڭىز, مىندەتتى تۇردە قۇقىق قورعاۋ ورگاندارىنا حابار بەرىڭىز, - دەپ كەڭەس بەردى ۆەدومستۆو.
