ءتۋرنيردىڭ 1-راكەتكالارى بولىپ تىركەلگەن اندرەي گولۋبەۆ فرانتسيالىق فابريس مارتەنمەن بىرگە باستاپقى كەزدەسۋىن نيدەرلاندىلىق تاللون گريكسپۋر جانە بوتيك ۆان دە زاندشۋلپپەن وتكىزدى. تارتىستى وتكەن ماتچتا ءبىرىنشى پارتيادا نيدەرلاندىلىق جۇپ تاي-برەيكتە ءساتتى وينادى. ەكىنشىسىندە گولۋبەۆ پەن مارتەن ەسە قايىردى. سوسىن سۋپەر تاي-برەيكتە جەڭىستى ج ۇلىپ الدى. ەكى ساعاتقا جۋىق ۋاقىتقا سوزىلعان باسەكە بارىسىندا قازاقستاندىق-فرانتسيالىق جۇپ 2 ەيس جاساپ, 3 برەيك-پوينتتىڭ بىرەۋىن پايدالاندى. قارسىلاستارى 3 ەيس, 1 برەيكپەن (2 برەيك-پوينت) كوزگە ءتۇستى.
الەكساندر نەدوۆەسوۆ پاكىستاندىق ايسام كۋرەشيمەن بىرگە دودانىڭ 2-راكەتكالارى سانالعان بەلگيالىق ساندەر جيللە جانە يوران فليگەن جۇبىن ءبىر ساعاتتان استام ۋاقىتتا 6:3, 6:4 ەسەبىمەن تىزە بۇكتىردى. نەدوۆەسوۆ پەن كۋرەشي 4 ەيسپەن بىرگە 3 برەيك-پوينتتىڭ ەكەۋىن ءوز ەسەبىنە جازدى. بەلگيالىق جۇپ 4 ەيسپەن شەكتەلدى. قازاقستاندىقتاردىڭ شيرەك فينالداعى قارسىلاستارى كەيىن انىقتالادى.
