وقيعا ميچواكان شتاتىنىڭ باتىسىنداعى لاس-تيناحاس قالاسىندا بولعان. وندا «حاليسكو جاڭا بۋىنىنىڭ كارتەلى» (CJNG) ەسىرتكى تاسىمالداۋ جولدارىن باقىلاۋ مۇمكىندىگىن الۋ ءۇشىن جەرگىلىكتى باندالارمەن كۇرەس جۇرگىزىپ جاتىر.
مەكسيكا پوليتسياسى 19 ءمايىتتى تاپقانىن حابارلادى - 16 ەر ادام مەن 3 ايەل. زارداپ شەككەندەردىڭ ءبارى وق جاراقاتىن العان, تاعى ءبىر جابىرلەنۋشى اۋرۋحاناعا بارار جولدا قايتىس بولعان. سونداي-اق, پوليتسەيلەر وقيعا ورنىنان 15 كولىكتى تاركىلەگەن.
«بۇل - ەكى توپتىڭ قىرعىنى», دەدى مەكسيكا پرەزيدەنتى اندرەس مانۋەل لوپەس وبرادور ادام ولىمىنە وكىنىش ءبىلدىرىپ.
شابۋىلشىلاردى ۇستاۋعا مەكسيكا ارمياسى مەن ۇلتتىق گۆارديا اسكەرى جۇمىلدىرىلعان. بىراق جانجالعا قاتىسقاندار ايماقتاعى ۇيىمداسقان قىلمىستىق توپتاردىڭ قايسىنان ەكەنى بەلگىسىز.
اتەش توبەلەسى مەكسيكانىڭ كوپ ايماعىندا تىيىم سالىنعانىمەن, ەلدىڭ كەيبىر بولىكتەرىندە تانىمال سانالادى جانە جاسىرىن تۇردە وتكىزىلەدى.
