كەشە ءۇشىنشى كەزەڭ ويىندارى ءوتتى. بۇل مەجەدە اتر رەيتينگىندە 33-ورىندى يەلەنىپ وتىرعان الەكساندر بۋبليك نورۆەگيالىق كاسپەر رۋدپەن كۇش سىناستى. نەبارى ءبىر ساعاتقا سوزىلعان سايىستا الەمنىڭ سەگىزىنشى راكەتكاسىنىڭ ۇستەمدىگى ەش كۇمان تۋعىزعان جوق – 6:3, 6:2. WTA تىزىمىندە 18-ورىنعا جايعاسقان ەلەنە رىباكينا اتالعان رەيتينگتە وزىنەن ءۇش ساتى تومەن تۇرعان امەريكالىق دجەسسيكا پەگۋلامەن شەبەرلىك بايقاستى. بۇل تارتىس اقش وكىلىنىڭ پايداسىنا شەشىلدى – 6:3, 6:4. ەلىمىزدىڭ تاعى ءبىر بەلدى تەننيسشىسى يۋليا پۋتينتسەۆا پاۋلا بادوسامەن كەزدەستى. قازىرگى كەزدە يسپانيالىق ويىنشىنىڭ قارقىنى وتە كۇشتى. بىلتىر اۋستراليانىڭ اشىق بىرىنشىلىگى مەن ۋيمبلدوندا ءتورتىنشى كەزەڭگە دەيىن جەتىپ, بيىل رولان گارروستىڭ شيرەك فينالىنا شىققان بادوسا سول تابىسىنىڭ ارقاسىندا الەمدىك رەيتينگتە التىنشى ورىنعا كوتەرىلدى. بۇل مەجەدە پۋتينتسەۆانى جولىنان ىعىستىرۋ وعان ەش قيىندىق تۋعىزعان جوق – 6:3, 6:2.
