ۇلتتىق بانك قارجى نارىعىنداعى احۋالدى ءتۇسىندىردى

1. ينفلياتسيا جانە ينفلياتسيالىق كۇتۋلەر

قازاقستان رەسپۋبليكاسىنىڭ ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ دەرەكتەرى بويىنشا 2022 جىلعى قاڭتاردا ينفلياتسيا 0,7% (2021 جىلعى قاڭتاردا – 0,6%) بولدى.

جىلدىق ينفلياتسيا 8,5% (2021 جىلعى جەلتوقساندا – 8,4%) دەڭگەيىندە قالىپتاستى. ينفلياتسيانىڭ قۇرىلىمىندا جىلدىق كورسەتكىش بويىنشا ازىق-ت ۇلىك تاۋارلارىنىڭ باعاسى 9,9%-عا, ازىق-ت ۇلىككە جاتپايتىن تاۋارلار – 8,5%-عا, اقىلى قىزمەتتەر – 6,8%-عا كوتەرىلدى.

 

2. حالىقارالىق رەزەرۆتەر جانە اقشا اگرەگاتتارى

ۇلتتىق بانكتىڭ جالپى حالىقارالىق رەزەرۆتەرى 2022 جىلعى قاڭتاردا 2,7%-عا تومەندەپ, 33,4 ملرد اقش دوللار بولدى.

التىن ۆاليۋتا رەزەرۆتەرىنىڭ تومەندەۋى باعالى مەتالل باعاسىنىڭ تومەندەۋى جانە وپتسيوندىق ستراتەگيالار شەڭبەرىندە التىندى ساتۋ, مەملەكەتتىك بورىشتى تولەۋ جانە ۇلتتىق بانكتىڭ ينتەرۆەنتسيالارى ەسەبىنەن بولدى. بۇل رەتتە رەزەرۆتەردىڭ ۆاليۋتالىق بولىگى ۇلتتىق بانكتىڭ كوررەسپوندەنتتىك شوتتارىنداعى ەدب قالدىقتارىنىڭ وسۋىنە بايلانىستى ۇلعايدى, بۇل التىن باعاسىنىڭ تومەندەۋىن ءبىرشاما رەتتەدى.

الدىن الا دەرەكتەر بويىنشا ەلدىڭ جالپى حالىقارالىق رەزەرۆتەرى ۇلتتىق قوردىڭ شەتەل ۆاليۋتاسىنداعى اكتيۆتەرىن (53,9 ملرد اقش دوللارى) قوسا العاندا, 2022 جىلعى قاڭتاردا 87,4 ملرد اقش دوللارىن قۇرادى.

اقشا بازاسى 2022 جىلعى قاڭتاردا 2,5%-عا تارىلىپ, 10 683,9 ملرد تەڭگەنى قۇرادى. تار اقشا بازاسى, ياعني ەكىنشى دەڭگەيدەگى بانكتەردىڭ ۇلتتىق بانكتەگى مەرزىمدى دەپوزيتتەرىن ەسەپتەمەگەندەگى اقشا بازاسى 0,9%-عا 7 008,0 ملرد تەڭگەگە دەيىن كەڭەيدى.

2022 جىلعى قاڭتاردا اقشا ماسساسى 1,0%-عا تومەندەپ, 29 800,2 ملرد تەڭگە بولدى, اينالىستاعى قولما-قول اقشا 2 991,0 ملرد تەڭگەگە دەيىن 0,2%-عا ازايدى.

3. ۇلتتىق بانكتىڭ اقشا-كرەديت ساياساتى سالاسىنداعى وپەراتسيالارى

ۇلتتىق بانك 2022 جىلعى 24 قاڭتاردا بازالىق مولشەرلەمەنى +/- 1,00 پ.ت پايىزدىق دالىزىمەن جىلدىق 10,25%-عا دەيىن 0,5پ.ت كوتەرۋ تۋرالى شەشىم قابىلدادى.

اقشا نارىعىندا اقشا-كرەديت ساياساتى وپەراتسيالارىن جۇرگىزۋ كەزىندە تارگەتتەلەتىن (نىسانالى) مولشەرلەمە بولىپ تابىلاتىن TONIA ينديكاتورى 2022 جىلعى قاڭتاردا پايىزدىق ءدالىز ىشىندە قالىپتاستى. 2022 جىلعى قاڭتاردا TONIA ورتاشا الىنعان ءمانى جىلدىق 10,3% بولدى (2021 جىلعى جەلتوقساندا – 10,5%).

 

اقشا-كرەديت ساياساتىنىڭ قۇرالدارى. 2022 جىلعى قاڭتاردىڭ سوڭىندا ۇلتتىق بانكتىڭ اقشا نارىعىنداعى وپەراتسيالارىنىڭ تەرىس سالدوسى (ۇلتتىق بانكتىڭ اشىق پوزيتسياسى) 2,6 ترلن تەڭگە بولدى.

ۇلتتىق بانكتەگى بانكتىك دەپوزيتتەردىڭ كولەمى 316,8 ملرد تەڭگە بولدى. دەپوزيتتىك اۋكتسيوندار ارقىلى الىناتىن وتىمدىلىك كولەمى 1 135,0 ملرد تەڭگە بولدى.

اينالىستاعى قىسقا مەرزىمدى نوتتاردىڭ كولەمى ءبىر ايدا 17,2%-عا تومەندەپ, 2022 جىلعى قاڭتاردىڭ سوڭىندا 1 740,7 ملرد تەڭگە بولدى.

2022 جىلعى قاڭتاردا جالپى سوماسى 965 ملرد تەڭگەگە 6 اۋكتسيون وتكىزىلدى, ونىڭ ىشىندە 825,3 ملرد تەڭگە سوماسىنا 1 ايلىق نوتتاردى ورنالاستىرۋ بويىنشا 4 اۋكتسيون (ورتاشا الىنعان كىرىستىلىك – 9,75%), 98,2 ملرد تەڭگە سوماسىنا 3 ايلىق نوتتار بويىنشا 1 اۋكتسيون (كىرىستىلىك – 9,90%), 41,5 ملرد تەڭگە سوماسىنا جارتىجىلدىق نوتتار بويىنشا 1 اۋكتسيون (كىرىستىلىك – 10,02%).

ۇلتتىق بانكتىڭ قىسقا مەرزىمدى نوتتارىن وتەۋ كولەمى 2022 جىلعى قاڭتاردا 1 153,4 ملرد تەڭگە بولدى.

4. قازاقستان رەسپۋبليكاسى قارجى مينيسترلىگىنىڭ مەملەكەتتىك باعالى قاعازدارى.

قازاقستان رەسپۋبليكاسىنىڭ قارجى مينيسترلىگى 2022 جىلعى قاڭتاردا 168,4 ملرد تەڭگە سوماسىنا قىسقا مەرزىمدى (مەككام), ورتا مەرزىمدى (مەوكام) جانە ۇزاق مەرزىمدى (مەۋكام) مەملەكەتتىك باعالى قاعازداردى ورنالاستىردى. 2022 جىلعى قاڭتاردا بارلىعى 7 وبليگاتسيا شىعارىلىمى ورنالاستىرىلدى, وندا 1 جىلدان 15 جىلعا دەيىن وتەۋ مەرزىمى بار مەملەكەتتىك باعالى قاعازدار ورنالاستىرىلدى. ولار بويىنشا ورتاشا الىنعان كىرىستىلىك جىلدىق 10,30%-دان 11, 05%-عا دەيىن بولدى.

قازاقستان رەسپۋبليكاسى قارجى مينيسترلىگىنىڭ اينالىستاعى باعالى قاعازدارىنىڭ كولەمى 2022 جىلعى قاڭتاردا 0,87%-عا تومەندەپ, 10 916,1 ملرد تەڭگە بولدى.

2022 جىلعى قاڭتاردىڭ سوڭىندا تاۋەكەلسىز كىرىستىلىك دەڭگەيى الدىڭعى ايدىڭ سوڭىنا قاتىستى بۇكىل كەزەڭدە ءوستى. بۇل ءوسۋ بازالىق مولشەرلەمەنىڭ وسۋىنە جانە بەيرەزيدەنتتەردىڭ دامىعان ەلدەردىڭ مبق-عا جاھاندىق كەتۋىنە جانە قازاقستانداعى قاڭتار ايىنداعى توتەنشە جاعدايعا بايلانىستى.

 

5. ۆاليۋتا نارىعى

2022 جىلعى قاڭتاردا تەڭگەنىڭ بيرجالىق باعامى ءبىر اقش دوللارى ءۇشىن 431,82 – 435,13 تەڭگە ارالىعىندا وزگەردى. 2022 جىلعى قاڭتاردىڭ سوڭىندا تەڭگەنىڭ اقش دوللارىنا قاتىستى بيرجالىق باعامى ءبىر ايدا 0,4%-عا السىرەپ, ءبىر اقش دوللارى ءۇشىن 433,52 تەڭگە بولدى.

تەڭگە – اقش دوللارى ۆاليۋتا جۇبى بويىنشا وپەراتسيالاردىڭ جالپى كولەمى ءبىر ايدا 10 ملرد اقش دوللارىن قۇرادى, ونىڭ ىشىندە قازاقستان قور بيرجاسىنداعى بيرجالىق ساۋدا-ساتتىق كولەمى – 2,6 ملرد اقش دوللارى, بيرجادان تىس ۆاليۋتا نارىعىنداعى وپەراتسيالار كولەمى – 7,4 ملرد اقش دوللارى بولدى. بيرجادان تىس نارىقتاعى وپەراتسيالاردىڭ جالپى كولەمىندە ءبىر ەنشىلەس بانكتىڭ ۇلەسى 65,8% نەمەسە 4,9 ملرد اقش دوللارىن قۇرادى (2021 جىلعى جەلتوقساندا – 56,5% نەمەسە 5,9 ملرد اقش دوللارى), بۇل ولاردىڭ مەنشىكتى كاپيتالدى ۆاليۋتالىق تاۋەكەلدەردەن حەدجيرلەۋىنە بايلانىستى بولدى. بۇل وپەراتسيالار بانك توبىنىڭ ىشىندە جۇرگىزىلەدى جانە ىشكى ۆاليۋتا نارىعىنداعى شەتەل ۆاليۋتاسىنىڭ سۇرانىسى نەمەسە ۇسىنىسى اراقاتىناسىنا اسەر ەتپەيدى.

2022 جىلعى قاڭتاردا حالىق نەتتو-نەگىزدە 282,8 ملرد تەڭگەگە بالامالى سوماعا قولما-قول شەتەل ۆاليۋتاسىن ساتىپ الدى. الدىڭعى ايمەن سالىستىرعاندا بۇل شىعىستار 42,2%-عا تومەندەدى (2021 جىلعى جەلتوقساندا – 489,0 ملرد تەڭگە), 2021 جىلعى ۇقساس كەزەڭمەن سالىستىرعاندا (209,3 ملرد تەڭگە) نەتتو-ساتىپ الۋ كولەمى 35,1%-عا ۇلعايدى. شىعىستاردىڭ نەگىزگى كولەمى 179,0 ملرد تەڭگە نەمەسە 63,3% – اقش دوللارىن, 80,9 ملرد تەڭگە نەمەسە 28,6% – رەسەي ءرۋبلىن, 22,6 ملرد تەڭگە نەمەسە 8% – ەۋرونى ساتىپ الۋعا باعىتتالدى. ۆاليۋتالاردىڭ تۇرلەرى بويىنشا بولگەندە ءبىر ايدا اقش دوللارىن ساتىپ الۋعا ارنالعان شىعىستار 2,1 ەسە تومەندەدى ء(وسۋ 33,1% ج/ج), رەسەي ءرۋبلىن ساتىپ الۋعا ارنالعان شىعىستار 2,9%-عا ءوستى ء(وسۋ 1,6 ەسە ج/ج) جانە ەۋرونى ساتىپ الۋعا ارنالعان شىعىستار 28%-عا تومەندەدى (تومەندەۋ 7,7% ج/ج).

 

6. دەپوزيت نارىعى

رەزيدەنتتەردىڭ دەپوزيتتىك ۇيىمدارداعى دەپوزيتتەرىنىڭ كولەمى ءبىر ايدا 1,1%-عا ازايىپ (جىلدىق ماندە ءوسۋ 18,2% بولدى), 2022 جىلعى قاڭتاردىڭ سوڭىندا 26 809,2 ملرد تەڭگەنى قۇرادى. زاڭدى تۇلعالاردىڭ دەپوزيتتەرى ءبىر ايدا 13 885,1 ملرد تەڭگەگە دەيىن 0,4%-عا ارتتى, جەكە تۇلعالاردىڭ دەپوزيتتەرى 12 924,1 ملرد تەڭگەگە دەيىن 2,6%-عا تومەندەدى.

ۇلتتىق ۆاليۋتاداعى دەپوزيتتەردىڭ كولەمى ءبىر ايدا 17 268,3 ملرد تەڭگەگە دەيىن 0,4%-عا ازايدى, شەتەل ۆاليۋتاسىندا 9 540,9 ملرد تەڭگەگە دەيىن 2,3%-عا ازايدى. دوللارلاندىرۋ دەڭگەيى 2022 جىلعى قاڭتاردىڭ سوڭىندا 35,6% (2021 جىلعى جەلتوقساندا – 36,0%) بولدى.

زاڭدى تۇلعالاردىڭ ۇلتتىق ۆاليۋتاداعى دەپوزيتتەرى 2022 جىلعى قاڭتاردا 8 942,6 ملرد تەڭگەگە دەيىن 3,6%-عا ارتتى, شەتەل ۆاليۋتاسىندا – 4 942,6 ملرد تەڭگەگە دەيىن 5,1%-عا (زاڭدى تۇلعالار دەپوزيتتەرىنىڭ 35,6%-ى) تومەندەدى.

جەكە تۇلعالاردىڭ تەڭگەدەگى دەپوزيتتەرى 8 325,8 ملرد تەڭگەگە دەيىن 4,4%-عا ازايدى, شەتەل ۆاليۋتاسىندا 4 598,3 ملرد تەڭگەگە دەيىن 0,9%-عا ۇلعايدى (جەكە تۇلعالار دەپوزيتتەرىنىڭ 35,6%-ى).

مەرزىمدى دەپوزيتتەردىڭ كولەمى ءبىر ايدا 0,2%-عا ازايىپ, 17 866,6 ملرد تەڭگە بولدى. ولاردىڭ قۇرىلىمىندا ۇلتتىق ۆاليۋتاداعى سالىمدار 11 490,6 ملرد تەڭگە, شەتەل ۆاليۋتاسىنداعى سالىمدار – 6 376,0 ملرد تەڭگە بولدى.

بانكتىك ەمەس زاڭدى تۇلعالاردىڭ ۇلتتىق ۆاليۋتاداعى مەرزىمدى دەپوزيتتەرى بويىنشا ورتاشا الىنعان سىياقى مولشەرلەمەسى 2022 جىلعى قاڭتاردا 7,9% (2021 جىلعى قاڭتاردا – 7,2%), جەكە تۇلعالاردىڭ دەپوزيتتەرى بويىنشا – 8,5% (9,4%) بولدى.

7. كرەديت نارىعى

بانكتەردىڭ ەكونوميكانى كرەديتتەۋ كولەمى ءىس جۇزىندە وزگەرمەي, 2022 جىلعى قاڭتاردىڭ سوڭىندا 18 502,8 ملرد تەڭگەنى قۇرادى (جىلدىق كورسەتۋدەگى ءوسۋ 26,8%). زاڭدى تۇلعالارعا كرەديتتەر كولەمى ءبىر ايدا 7 714,7 ملرد تەڭگەگە دەيىن 0,6%-عا تومەندەپ, جەكە تۇلعالارعا – 10 788,1 ملرد تەڭگەگە دەيىن 0,5%-عا ۇلعايدى.

ۇلتتىق ۆاليۋتاداعى كرەديتتەر كولەمى ءبىر ايدا 16 705,9 ملرد تەڭگەگە دەيىن 0,7%-عا ۇلعايدى. ولاردىڭ قۇرىلىمىندا زاڭدى تۇلعالارعا كرەديتتەر 1,2%-عا, جەكە تۇلعالارعا كرەديتتەر – 0,5%-عا ءوستى. شەتەل ۆاليۋتاسىنداعى كرەديتتەر كولەمى 1 796,9 ملرد تەڭگەگە دەيىن 5,9%-عا تومەندەدى. ولاردىڭ قۇرىلىمىندا زاڭدى تۇلعالارعا كرەديتتەر 6,0%-عا, جەكە تۇلعالارعا كرەديتتەر – 0,3%-عا ازايدى. 2022 جىلعى قاڭتاردىڭ سوڭىندا تەڭگەدەگى كرەديتتەردىڭ ۇلەس سالماعى 90,3% (2021 جىلعى جەلتوقساندا – 89,7%) بولدى. 

ۇزاق مەرزىمدى كرەديتتەر كولەمى ءبىر ايدا 15 625,4 ملرد تەڭگەگە دەيىن 2,5%-عا تومەندەپ, قىسقا مەرزىمدى كرەديتتەر كولەمى – 2 877,4 ملرد تەڭگەگە دەيىن 16,6%-عا ۇلعايدى

شاعىن كاسىپكەرلىك سۋبەكتىلەرىن كرەديتتەۋ 2022 جىلعى قاڭتاردا 3 581,1 ملرد تەڭگەگە دەيىن 5,1%-عا تومەندەدى (كورپوراتيۆتىك سەكتور كرەديتتەرىنىڭ جالپى كولەمىنىڭ 46,4%-ى).

2022 جىلعى قاڭتاردا بانكتىك ەمەس زاڭدى تۇلعالارعا ۇلتتىق ۆاليۋتامەن بەرىلگەن كرەديتتەر بويىنشا ورتاشا الىنعان سىياقى مولشەرلەمەسى 12,0% (2021 جىلعى قاڭتاردا – 11,5%), جەكە تۇلعالارعا – 17,7% بولدى (18,5%).

8. تولەم جۇيەلەرى

2022 جىلعى 1 اقپانداعى جاعداي بويىنشا قازاقستان رەسپۋبليكاسىنىڭ اۋماعىندا 19 تولەم جۇيەسى, ونىڭ ىشىندە ۇلتتىق بانكتىڭ تولەم جۇيەلەرى, اقشا اۋدارىمدارى جۇيەلەرى, تولەم كارتوچكالارى جۇيەلەرى جۇمىس ىستەيدى.

2022 جىلعى قاڭتاردا ۇلتتىق بانكتىڭ تولەم جۇيەلەرى (بانكارالىق اقشا اۋدارۋ جۇيەسى جانە بانكارالىق كليرينگ جۇيەسى) ارقىلى 52,5 ترلن تەڭگە سوماسىنا 4,2 ملن ترانزاكتسيا جۇرگىزىلدى (2021 جىلعى جەلتوقسانمەن سالىستىرعاندا سانى بويىنشا 29,7%-عا, سوماسى بويىنشا – 30,5%-عا ازايۋ بايقالادى). ورتاشا العاندا ءبىر كۇندە كورسەتىلگەن تولەم جۇيەلەرى ارقىلى 2,9 ترلن تەڭگە سوماسىنا 232,5 مىڭ ترانزاكتسيا جۇرگىزىلدى.

2022 جىلعى 1 اقپانداعى جاعداي بويىنشا 19 بانك جانە «قازپوشتا» اق قازاقستان رەسپۋبليكاسىندا تولەم كارتوچكالارىن شىعاردى. ەميسسيالانعان جانە تاراتىلعان تولەم كارتوچكالارىنىڭ جالپى سانى 57,9 ملن بىرلىك بولدى. ونىڭ ىشىندە 2022 جىلعى قاڭتاردا تولەم كارتوچكالارىنىڭ 47,9%-ى (27,7 ملن تولەم كارتوچكاسى) قولما-قول اقشاسىز وپەراتسيالاردى جانە (نەمەسە) قولما-قول اقشانى الۋ وپەراتسيالارىن جۇرگىزۋ ءۇشىن پايدالانىلدى.

قازاقستاندىق ەميتەنتتەردىڭ تولەم كارتوچكالارىن پايدالانا وتىرىپ, 2022 جىلعى قاڭتاردا 6,7 ترلن تەڭگە سوماسىنا 456,4 ملن ترانزاكتسيا جۇرگىزىلدى (2021 جىلعى جەلتوقسانمەن سالىستىرعاندا ترانزاكتسيالار سانى 31,5%-عا, سوماسى – 34,4%-عا تومەندەدى). قازاقستاندىق ەميتەنتتەردىڭ تولەم كارتوچكالارى پايدالانىلعان وپەراتسيالاردىڭ سانى بويىنشا قولما-قول اقشاسىز تولەم وپەراتسيالارىنىڭ ۇلەسى 96,1% (438,5 ملن ترانزاكتسيا) بولدى. وسى كەزەڭدەگى قولما-قول اقشاسىز وپەراتسيالار كولەمىنىڭ ۇلەسى 80,8% (5,4 ترلن تەڭگە) بولدى.

9. زەينەتاقى جۇيەسى

2022 جىلعى 1 اقپانداعى جاعداي بويىنشا سالىمشىلاردىڭ (الۋشىلاردىڭ) زەينەتاقى جيناقتارى 2022 جىلعى قاڭتاردا 32,2 ملرد تەڭگەگە نەمەسە 0,2%-عا ۇلعايىپ, 13 102,3 ملرد تەڭگە بولدى.

2022 جىلعى قاڭتاردا زەينەتاقى اكتيۆتەرىن ينۆەستيتسيالاۋدان تۇسكەن تازا كىرىس 2022 جىلعى 1 اقپاندا 6 922,2 ملرد تەڭگەگە دەيىن 10,6 ملرد تەڭگەگە ۇلعايدى.

مىندەتتى زەينەتاقى جارنالارى بويىنشا سالىمشىلاردىڭ جەكە زەينەتاقى شوتتارىنىڭ سانى (زەينەتاقى جيناقتارى جوق جزش-نى ەسكەرە وتىرىپ) 2022 جىلعى 1 اقپاندا 10,9 ملن شوت بولدى.

2022 جىلعى قاڭتاردا زەينەتاقى تولەمدەرىنىڭ سوماسى 113,1 ملرد تەڭگەنى قۇرادى.

2022 جىلعى 1 اقپاندا بجزق جيىنتىق ينۆەستيتسيالىق پورتفەلىنىڭ نەگىزگى ۇلەسىن قازاقستان رەسپۋبليكاسىنىڭ مەملەكەتتىك باعالى قاعازدارى مەن قازاقستان رەسپۋبليكاسى ەميتەنتتەرىنىڭ مەملەكەتتىك ەمەس باعالى قاعازدارى (تيىسىنشە زەينەتاقى اكتيۆتەرىنىڭ جالپى كولەمىنىڭ 38,9%-ى جانە 22,2%-ى) الادى.

10. IV توقسانداعى كاسىپورىندار مونيتورينگى

كاسىپورىندار مونيتورينگىنىڭ ناتيجەسى بويىنشا دايىن ونىمگە, شيكىزات پەن ماتەريالدارعا باعانىڭ ءوسۋ قارقىنىنىڭ شامالى باياۋلاۋى كەزىندە دايىن ونىمگە سۇرانىستىڭ ۇلعايۋىنا, سونداي-اق اكتيۆتەر مەن اينالىم قاراجاتىنىڭ اينالىمدىلىعىن جەدەلدەتۋگە نەگىزدەلگەن ناقتى سەكتورداعى ەكونوميكالىق بەلسەندىلىكتىڭ بىرتىندەپ قالپىنا كەلۋ پروتسەسىنىڭ جالعاسۋى بايقالادى.

كاسىپورىنداردىڭ وندىرىستىك قۋات جۇكتەمەسى بۇرىنعى دەڭگەيدە ساقتالىپ, جۇكتەۋدىڭ ورتاشا الىنعان دەڭگەيى 54,2% بولدى ء(IIى توقساندا – 54,0%). الايدا, ءوندىرىس كولەمىنىڭ ءوسۋ قارقىنى باياۋلادى. ديففۋزيالىق يندەكس (بۇدان ءارى – دي) بۇرىنعىسىنشا وڭ ايماقتا بولىپ, 53,4-تەن 50,7-گە دەيىن وزگەردى.

كاسىپورىنداردىڭ دايىن ونىمىنە سۇرانىس ۇلعايىپ, دي 50,6-دان 52,5-گە دەيىن كوتەرىلدى. كورسەتكىشتىڭ جاقسارۋى تاۋارلار ءوندىرىسى (54,1) جانە قىزمەتتەر (50,8) سەكتورلارىندا بايقالدى.

جالپى ەكونوميكا بويىنشا كاسىپورىنداردىڭ دايىن ونىمىنە باعانىڭ ءوسۋ قارقىنى ءبىرشاما باياۋلاپ, دي 61,5 بولدى. 2022 جىلعى I توقساندا كاسىپورىندار دايىن ءونىم باعاسىنىڭ ءوسۋ قارقىنىنىڭ باياۋلاۋىن كۇتۋدە.

2021 جىلعى IV توقساندا سۇرالعان كاسىپورىنداردىڭ 17,2%-ى كرەديت الۋ ءۇشىن بانككە ءوتىنىش بەرىپ, كاسىپورىنداردىڭ 17,0%-ى كرەديت العان (نەمەسە كرەديت الۋعا ءوتىنىش بەرگەندەردىڭ 98,8%-ى). كاسىپورىنداردىڭ باسىم كوپشىلىگى (81,1%) اينالىم قاراجاتىن قارجىلاندىرۋعا كرەديت تارتتى (ماتەريالدار, شيكىزات, جارتىلاي دايىن ونىمدەر جانە ت.ب. ساتىپ الۋ).

قازاقستان ەكونوميكاسىنىڭ جاي-كۇيى كاسىپورىنداردىڭ 35,5%-ى ءۇشىن بيزنەستى جۇرگىزۋگە ءالى دە نەگىزگى كەدەرگى بولىپ وتىر. باسقا كەدەرگىلەر: نارىقتىق باسەكەلەستىك (29,0%), سالىق اۋىرتپالىعىنىڭ دەڭگەيى (22,4%), ساتىپ الۋشىلاردى ىزدەۋ (21,9%). ماڭىزدىلىعى بويىنشا قارجىلاندىرۋعا قولجەتىمدىلىك 9-ورىندا (10,9%).

كاسىپورىنداردىڭ پىكىرتەرىمدەرىن جيىنتىق باعالاۋدى بىلدىرەتىن كومپوزيتتىك وزىڭقى ينديكاتوردىڭ (كوي) سەرپىنى ناقتى سەكتوردا ەكونوميكالىق بەلسەندىلىكتىڭ قالپىنا كەلۋىنىڭ جالعاسۋىن كورسەتىپ وتىر. كوي 100,4-كە دەيىن ازداپ ۇلعايدى. 2022 جىلعى I توقساندا ەكونوميكالىق بەلسەندىلىكتىڭ ءوسۋى جالعاسادى دەپ كۇتىلۋدە (كۇتۋ بويىنشا كوي 100,2 بولدى).