قوعام • 10 اقپان، 2022

ساعىنىش ءولىپ بارادى

71 رەت كورسەتىلدى

ءبىزدىڭ كوبىمىزدى كوشە تاربيەلەگەنى كۇمانسىز شىعار. تۇبەگەيلى كوشە دەمەسەك تە، بالا تاربيەسىنە كوشەنىڭ ىقپالى جوق ەمەس. ءبىز دەپ وتىرعانىمىز – تاۋەلسىزدىك جىلدارىندا ومىرگە كەلگەن جاستار. الدى وتىزدان اسىپ، قىرىققا اياق باستى. سوڭى بولماي-اق قويسىن، ءبارى ازاتتىق اتىن جامىلىپ تۋعانى قانداي تاماشا.

جاستاردىڭ جەكە باس ەركىندىگى دەگەننىڭ ءوزى سول كوشەدەن باستالاتىن سياقتى ەمەس پە؟ ەرىككەندەر مەن جەلىككەندەردىڭ ءبارى كوشەگە شىعادى. «قىزىم – ۇيدە، قىلىعى – تۇزدە» دەيدى. ەسەيگەن بالانىڭ كوبى «ونەرىن» كوشەدە سالۋى مۇمكىن ءارى كوشەدەن بويىنا جۇقتىرىپ ءبىر نارسە الىپ تا كەلەدى. جاقسىلىقتى دا، باسقاسىن دا.

ءتىپتى ءار كوشەنىڭ وزىنە ءتان ءتار­تىبى بولاتىن. شەتكەرى كوشە، اۋىل ورتاسىنداعى كوشە ءبىر-بىرىنە ۇقساي بەرمەۋى مۇمكىن. كوشە ءانى دەگەن ۇعىم قالىپتاسقانىن قايدا قوياسىز؟ كوشە­لەردە ادامدار ارالاسىپ جاتقانى بىلاي تۇرسىن، قىز بەن جىگىتتىڭ سەزىمدەرى ويانىپ، جانى الماسىپ، ءان شىرقالىپ جاتقان دەمەك. ەرتەدەگى قازاق بالاسى القا-قوتان وتىرعاندا ءان-كۇي تىڭ­داپ، التىباقاندا، اقسۇيەكتە تابىسسا، كەيىندە كوشەدە. كوشە كورمەگەن بالالاردىڭ الەمى – ءوز الدىنا بولەك اڭگىمە. قازىر قانشاما عاسىردان بە­رى جالعاسىپ كەلە جاتقان وسىنداي ءتىل تابىسۋ مەن بايلانىستىڭ ءبارىن الەۋمەتتىك جەلى «جۇتىپ» الدى. تىكەلەي قارىم-قاتىناس جوققا ءتان. بولسا دا بۇرىنعىنىڭ جۇقاناسى عانا. بەيساۋات ءجۇرۋ جوق. سمارتفون بەتىندە سويلەسۋگە ەرىنىپ، سمايليك جۇزدىرگەن زامان. ونىڭ جاقسى دا، جامان جاعى بار. ىزدەگەن ادامدى بىردەن تاباسىز. كەز كەلگەن جاعدايدا كوپشىلىكتىڭ پىكىرىن بايقاپ وتىراسىز. «الىستى جاقىنداتادى، جا­قىندى الىستاتادى» دەيدى بىلەتىندەر. سويتە تۇرا ۋاقىت ۇنەمدەمەك تۇگىلى، بارعان سايىن ۋاقىت قىسقارىپ بارا جاتقان سياقتى كورىنەدى. جارتى ساعات جەلىدە «قىدىرساڭىز» جۇيكەڭىز توزادى كەيدە. ۋاقىتىڭىز شىعىن بولادى. ەڭ قيىنى، ادامنىڭ ەڭ اياۋلى سەزىمدەرىنىڭ ءبىرى ساعىنىشتى جويىپ بارادى. بىرەۋ كەرەك بولسا، قولما-قول تاۋىپ الاسىز، بەينەقوڭىراۋ ارقىلى سويلەسە سالاسىز. ماۋقىمىزدى وسىلاي باسىپ جۇرگەنىمىزدى سەزبەيتىن حالگە جەتىپ قالعان سياقتىمىز با، قالاي؟

سوڭعى جاڭالىقتار

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ازىرگە بەسىنشى ورىندامىز

سپورت • بۇگىن، 08:30

ون جىلعا سوتتالدى

قوعام • بۇگىن، 08:25

41 جوباعا – 11،2 ملرد تەڭگە

ايماقتار • بۇگىن، 08:20

732،5 ملرد تەڭگە تارتىلادى

ايماقتار • بۇگىن، 08:15

اسكەريلەر شەبەرلىك سىناسادى

قازاقستان • بۇگىن، 08:10

ۇقساس جاڭالىقتار