ەلوردا • 27 قاڭتار، 2022

كىشى تالدىكول ءىسى قايتا قارالاتىن بولدى

146 رەت كورسەتىلدى

ەلورداداعى كىشى تالدىكولگە قاتىستى ءىس 2022 جىلدىڭ 9 اقپانىندا قارالادى، دەپ حابارلايدى Egemen.kz.

نۇر-سۇلتان قالاسىنىڭ مامانداندىرىلعان اۋدانارالىق اكىمشىلىك سوتى «اqiqat» كورپوراتيۆتىك زاڭگەرلەر كواليتسياسى» قب تالاپ-ارىزى تۋرالى ءىس بويىنشا ءىس جۇرگىزۋدى قايتا باستاۋ تۋرالى شەشىم قابىلدادى.

ءىس بويىنشا جاۋاپكەرلەر «نۇر-سۇلتان قالاسى اكىمىنىڭ اپپاراتى» مم جانە «استانا - تەحنوپوليس» ارنايى ەكونوميكالىق ايماعىنىڭ باسقارۋشى كومپانياسى» اق بولىپ تابىلادى.

«قازاقستان رەسپۋبليكاسى ازاماتتىق ءىس جۇرگىزۋ كودەكسىنىڭ 225-بابى 3-بولىگى نەگىزىندە، سوت وسى ءىس بويىنشا قوسىمشا ءمان-جايلاردى انىقتاۋ ماقساتىندا شەشىم شىعارۋ ءۇشىن ءىستى قايتا قارايدى. ءمانى بويىنشا قارالعاننان كەيىن اكىمشىلىك ءىستىڭ ماتەريالدارىن زەرتتەۋ قايتا جۇرگىزىلەتىن بولادى»، دەدى سۋديا جانار دۇيسەنوۆا.

سۋديا اكىمدىك وكىلى ءۇشىن سوتقا ۇسىنىلۋى قاجەت قۇجاتتاردى اتادى. اتاپ ايتقاندا، بۇل ەگجەي-تەگجەيلى جوسپارلاۋ جوباسىنا، باس جوسپارعا سايكەس 2012 جىلدان باستاپ 2020 جىلعا دەيىن كىشى تالدىكول كولدەرى توبى كىرەتىن جەرلەردى نىسانالى تاعايىنداۋ تۋرالى 2020 جىلعى جەلتوقساندا شىعارىلعان ەلدى مەكەن جەرلەرىنە اۋىستىرۋ تۋرالى قاۋلىعا قاتىستى مالىمەتتەر.

«استانا-تەحنوپوليس» اەا باسقارۋشى كومپانياسى SAT-NS جشس-مەن جاسالعان بارلىق 16 قوسالقى جالداۋ شارتتارىن، جەر ۋچاسكەلەرىن سەگمەنتتەۋ تۋرالى، وسى ۋچاسكەلەردى يگەرۋ كەزەڭدەرى تۋرالى مالىمەتتەردى ۇسىنۋعا ءتيىس.

ء«ىس 9 اقپاندا، ساعات 10:30-دا تىڭدالادى»، دەدى سۋديا.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار