وتىرىس بارىسىندا ورتالىق قىزمەتىنىڭ نەگىزگى باعىتتارىنا قاتىستى بىرقاتار ماسەلەلەر قارالدى. ازاماتتىق باستامالاردى قولداۋ ورتالىعىنىڭ باسقارما توراعاسى ليما دياستىڭ اتاپ وتۋىنشە, ورتالىق ءوز جۇمىسىنىڭ بارلىق اسپەكتىلەرى بويىنشا وڭ باعاعا يە.
«سوڭعى ءۇش جىلدىڭ قورىتىندىلارىمەن سالىستىرعاندا, ورتالىق العاش رەت جىلدى مەملەكەتكە زالال كەلتىرمەي اياقتاماق. مۇنداي ناتيجەلەرگە قىزمەتكەرلەر قۇرامىنىڭ وڭتايلاندىرىلعانىنا قاراماستان قول جەتكىزىلگەنىن اتاپ ءوتۋ كەرەك. ءبىزدىڭ ۇجىم كۇن سايىن گرانتتىق قارجىلاندىرۋ تەتىكتەرىن جەتىلدىرۋمەن اينالىسادى. ءبىز ابقو جۇمىسىنىڭ بارلىق اسپەكتىلەرى بويىنشا كەرى بايلانىسقا يە بولدىق. وسى رەتتە ءبىز ءوز الدىمىزعا پروتسەدۋرالاردى مۇمكىندىگىنشە ىڭعايلى, تۇسىنىكتى, ءادىل ءارى اشىق ەتۋ مىندەتىن قويدىق», ليما دياس دەدى.
ديرەكتورلار كەڭەسى اياسىندا ورتالىقتىڭ باسقارما توراعاسى مەملەكەتتىك ەمەس گرانتتىق قارجىلاندىرۋدى دامىتۋ جانە حالىقارالىق ىنتىماقتاستىقتى نىعايتۋ باعىتىندا جۇرگىزىلىپ جاتقان جۇمىستاردىڭ قورىتىندىلارىنا ەرەكشە توقتالدى. ونىڭ ايتۋىنشا, وسى باعىتتا جىل بويى جۇرگىزىلگەن جۇمىستاردىڭ ناتيجەسىندە ورتالىق ايتارلىقتاي كورسەتكىشتەرگە قول جەتكىزگەن.
«2021 جىلى ورتالىق العاش رەت بيۋدجەتتەن تىس قاراجات ەسەبىنەن ۇەۇ-عا مەملەكەتتىك ەمەس گرانتتاردى ۇسىنا باستادى. جالپى سوماسى 43,1 ملن تەڭگەنى قۇرايتىن مەملەكەتتىك ەمەس گرانتتار «Samruk Kazyna Trust» الەۋمەتتىك دامۋ قورىنىڭ, «الەۋمەتتىك ماڭىزدى باستامالاردى دامىتۋ قورى» جەكە قورىنىڭ جانە «مەديا دامىتۋ Qory» كورپوراتيۆتىك قورىنىڭ قولداۋىمەن بەرىلدى. سونىمەن قاتار, جەلتوقسان ايىندا 1 ملن تەڭگە مولشەرىندەگى شاعىن گرانتتار ەسەبىنەن قازاقستاننىڭ 30 اۋىل مەكتەبىن دامىتۋعا باعىتتالعان گرانتتىق جوبا ءوز مارەسىنە جەتتى. ول ەلىمىزدىڭ مۇعالىمدەرى مەن وقۋشىلارى تاراپىنان وڭ باعاسىن العان-دى.
سونىمەن قاتار, بيىل الەۋمەتتىك جوبالاردى قارجىلاندىرۋ كوزدەرىن ءارتاراپتاندىرۋدى جەڭىلدەتۋ ماقساتىندا كەۇ-عا كورپوراتيۆتىك سەكتوردان دەمەۋشىلىك كومەكتى تارتۋ ارقىلى قولداۋ كورسەتە باستادىق. وسىلايشا, الەۋمەتتىك باستامالارعا «قازاقمىس» جشس, ERG Eurasian Group جانە «سبەربانك» اق-دان 13 ملن تەڭگە تارتىلعان بولاتىن», دەدى ليما دياس.
مۇنىمەن قوسا, ازاماتتىق باستامالاردى قولداۋ ورتالىعى اعىمداعى جىلى جاقىن جانە الىس شەتەلدەردەگى ۇيىمدارمەن ىنتىماقتاستىق ورناتتى. وسىلايشا, ورتالىق باسشىلىعى 2021 جىلى ۋكراينا مەن رەسەي فەدەراتسياسىنىڭ ۇيىمدارىمەن ىنتىماقتاستىق تۋرالى مەموراندۋمدارعا قول قويدى.
ورتالىق باسشىلىعى, سونداي-اق, بريجيت باردو قورى, قازاقستانداعى USAID كەڭسەسى, قازاقستانداعى كانادا ەلشىلىگى, قازاقستانداعى يتاليا ەلشىلىگى, باق ماسەلەلەرى جونىندەگى ءازىربايجان رەسپۋبليكاسىنىڭ دەلەگاتسياسى, قازاقستانداعى ەقىۇ كەڭسەسى, قازاقستاننىڭ ABA Roli, رف پرەزيدەنتتىك گرانتتار قورى سياقتى حالىقارالىق ۇيىمدارمەن بىرقاتار كەزدەسۋلەردى وتكىزدى. تاراپتار قازاقستاندىق ۇكىمەتتىك ەمەس سەكتوردى كەۇ-نىڭ الەۋەتىن ارتتىرۋ, ءوزارا تاجىريبە الماسۋ جانە ساراپتامالىق قولداۋ ارقىلى دامىتۋ تۋرالى كەلىستى. سونىمەن قاتار, جوبالاردىڭ الەۋمەتتىك اسەرىن كۇشەيتۋ جانە تۇراقتىلىعىن قامتاماسىز ەتۋ ماقساتىندا اتالمىش ۇيىمدارمەن بىرلەسىپ, ورتالىقتىڭ گرانتتىق جوبالارىن قارجىلاندىرۋ مۇمكىندىگى جەكە قاراستىرىلۋدا.
«تۇتاستاي العاندا, ءبىز ءوز الەۋەتىمىزدى نىعايتىپ, بيزنەس-سەكتور مەن حالىقارالىق ۇيىمداردىڭ وكىلدەرى سياقتى سەرىكتەستەرىمىزدىڭ جەلىسىن كەڭەيتە الدىق. كەلەسى جىلى حالىقارالىق ۇيىمدارمەن بىرلەسە جۇزەگە اسىراتىن باستامالارىمىزدىڭ اياسىندا ءيوزارا ءتيىمدى ىنتىماقتاستىقتى نىعايتۋ باعىتىنداعى جۇمىستى جالعاستىرامىز», دەدى ول.
شارانى قورىتىندىلاي كەلە, ديرەكتورلار كەڭەسىنىڭ مۇشەلەرى ستراتەگيالىق ماڭىزى بار بىرقاتار شەشىم قابىلداپ, الداعى 2022 جىلعا ارنالعان جوسپارلاردى بەلگىلەدى.
ايتا كەتسەك, ورتالىقتىڭ 2021 جىلعى جۇمىسىنىڭ قورىتىندى ناتيجەلەرىنە ارنالعان ديرەكتورلار كەڭەسىنىڭ وتىرىسى كەلەسى جىلدىڭ قاڭتارىندا وتكىزىلەدى دەپ جوسپارلانىپ وتىر.
