كەزدەسۋدە تاراپتار تۇركى ەلدەرى ىنتىماقتاستىعى اياسىندا اتقارىلىپ جاتقان جۇمىستاردى تالقىلاپ, الداعى جوسپارلار تۋرالى پىكىرلەستى.
مارتەبەلى مەيمان اتالار اتاموگلانوۆ تۇركى اكادەمياسى جۇزەگە اسىرىپ جاتقان جوبالارعا ريزاشىلىعىن ءبىلدىرىپ, ۇيىمنىڭ جۇمىستارىنا تابىس تىلەپ, يگى باستامالارعا قولداۋ كورسەتەتىنىن جەتكىزدى.
ءوز كەزەگىندە اكادەميا باسشىسى دارحان قىدىرالى ازەربايجان ەلشىسىنە اكادەمياعا ارنايى كەلگەنىنە العىس ايتىپ, كەلە جاتقان جاڭا جىلىمەن جانە 31 جەلتوقسان – الەم ازەربايجاندارىنىڭ ىنتىماقتاستىق كۇنىمەن قۇتتىقتادى.
دارحان قىدىرالى ازەربايجان ەلشىسىنە تۇركى اكادەمياسى ازىرلەپ شىعارعان نيزامي گانجاۋيدىڭ قازاق تىلىنە اۋدارىلعان «جەتى ارۋ. لەيلى-ءماجنۇن» داستانى مەن الىشەر ءناۋايدىڭ ازەربايجان تىلىندە جارىق كورگەن تاڭدامالى شىعارمالىرىن تانىستىرىپ, تارتۋ ەتتى.
سونىمەن قاتار, دارحان قىدىرالى اكادەميا 2022 جىلى حۋسەين دجاۆيد پەن احماد دجاۆاد سىندى ازەىربايجان حالقىنىڭ ۇلى تۇلعالارىنىڭ مەرەيتويلارىن جوعارى دەڭگەيدە اتاپ ءوتۋدى جوسپارلاپ وتىرعانىن ايتتى.
ايتا كەتۋ كەرەك, اكادەميا بيىل ىستانبۇل قالاسىندا وتكەن حالىقارالىق تۇركى اكادەميا عىلىمي كەڭەسىنىڭ IV وتىرىسىندا تۇركى الەمىندەگى 2021 جىلعى اتاۋلى كۇندەردىڭ تىزىمىنە تۇركى حالىقتارى ادەبيەتىنىڭ كلاسسيكتەرى نيزامي گانجاۋيدىڭ تۋعانىنا 880 جىلدىعىن, الىشەر ناۋايدىڭ تۋعانىنا 580 جىلدىعىن جانە يۋنۋس ەمرەنىڭ دۇنيەدەن وتكەنىنە 700 جىلدىعىن اتاپ ءوتۋ جوسپارى دا ەنگىزىلىپ, وسى باعىتتا بىرقاتار اۋقىمدى شارالاردى ىسكە اسىردى.
