فوتو: gov.kz
جاڭا زاڭدار قاتارىندا «قازاقستان رەسپۋبليكاسى استاناسىنىڭ مارتەبەسى تۋرالى» زاڭ جوباسى بار. زاڭعا سايكەس, استانا پرەزيدەنتتىڭ رەزيدەنتسياسى «اقوردا», قۇرىلتاي, ۇكىمەت پەن جوعارعى سوت جانە قازاقستان رەسپۋبليكاسىنىڭ وزگە دە ورتالىق مەملەكەتتىك ورگانداردىڭ ورنالاسقان ورنى رەتىندە ايقىندالعان.
استانانىڭ مىندەتتى ديزاين-كودى ەنگىزىلەدى
زاڭعا سايكەس, استانا اۋماعىنداعى بارلىق ساۋلەت, قالا قۇرىلىسى جانە قۇرىلىس قىزمەتى باس جوسپارعا, قالا قۇرىلىسى قۇجاتتاماسىنا جانە مەملەكەتتىك ەرەجەلەرگە سايكەس جۇزەگە اسىرىلادى.
قۇجاتتاعى نەگىزگى نورمالاردىڭ ءبىرى استانانىڭ مىندەتتى ديزاين-كودىن ەنگىزۋ بولىپ وتىر. ونىڭ تالاپتارى عيماراتتارعا, جول ينفراقۇرىلىمىنا, جارناماعا جانە قالانىڭ سىرتقى ديزاينىنىڭ ەلەمەنتتەرىنە قولدانىلاتىن بولادى. استانا قالالىق ساۋلەت جانە قالا قۇرىلىسى كەڭەسى وسى تاسىلدەردى ىسكە اسىرۋدا ماڭىزدى ينستيتۋتسيونالدىق ءرول اتقارادى. بۇل قالاداعى بەيبەرەكەتتىلىكتىڭ الدىن الىپ, ۇيلەسىمدى ءارى جيناقى بولۋىنا جاعداي جاسايدى.
استانا ەرەكشە مارتەبەگە يە بولادى: پارلامەنت زاڭ جوباسىن ماقۇلدادى
كولىك ينفراقۇرىلىمىن باسقارۋدىڭ جاڭا ورتالىعى ىسكە قوسىلادى
سونىمەن قاتار, زاڭدا استانانىڭ الەۋمەتتىك-ەكونوميكالىق دامۋىنا, ءتۋريزمدى دامىتۋعا, سونداي-اق استانانى حالىقارالىق ءىس-شارالار مەن كورمەلەرگە دايىنداۋعا كومەك كورسەتەتىن ۇيىم سەكىلدى باعىنىستى ۇيىمداردىڭ مىندەتتەرىنىڭ شەڭبەرى انىقتالعان.
قۇجاتتا جولدار مەن كولىككە قوزعالىسىنا ەرەكشە كوڭىل بولىنگەن. استانادا باعدارشامنان باستاپ تۇراققا, كولىكتەردى ەۆاكۋاتسيا جاساۋ جانە كولىك اعىنىن تالداۋعا دەيىن كولىك قوزعالىسىن باسقارۋ ءۇشىن مامانداندىرىلعان ورتالىق قۇرىلىپ جاتىر. بۇل تۇرعىندار ءۇشىن جول قوزعالىسىن تيىمدىرەك ەتە تۇسەدى. سونىمەن قاتار زاڭدا استانانىڭ ينفراقۇرىلىمى مۇگەدەكتىگى بار جاندار, قارتتار مەن بالالارعا بىردەي قولجەتىمدى بولۋ كەرەكتىگى ايتىلعان.
جاسىل بەلدەۋدى قورعاۋ شارالارى كۇشەيتىلەدى
زاڭ استانانىڭ ورمان ساياباق ايماعى ءۇشىن ەرەكشە رەجيم بەلگىلەيدى. وندا تابيعاتقا زيان كەلتىرۋى مۇمكىن كەز كەلگەن ارەكەتكە – لاستانۋدان باستاپ جانۋارلارعا جويۋ ارەكەتىنە دەيىن تىيىم سالىنادى. بۇل جاسىل ايماقتاردى ۇزاق مەرزىمدى قورعاۋدى قامتاماسىز ەتەدى جانە قالانىڭ ەكولوگيالىق تەپە-تەڭدىگىن نىعايتادى. قالانى اباتتاندىرۋ جانە سانيتارلىق تازالاۋ بويىنشا جەكە جۇيە دە بەكىتىلگەن. سوعان سايكەس, كوشەلەر مەن جولداردىڭ تازالىعىنا جاۋاپتى مامانداندىرىلعان ۇيىمدار قۇرىلماق.
جاڭا جۇمىس ورىندارى اشىلادى
جاڭا زاڭ قالانىڭ ەكونوميكالىق دامۋىمەن تىكەلەي بايلانىستى. بۇل باعىتتا نۆەستيتسيالاردى تارتۋ, ءتۋريزمدى دامىتۋ جانە استانانى برەند رەتىندە ناسيحاتتاۋ ءۇشىن بولەك قۇرىلىم جاساقتالادى. دەمەك, تۇرعىندار ءۇشىن جاڭا جۇمىس ورىندارى اشىلىپ, ىسكەرلىك بەلسەندىلىك ارتا تۇسەدى.
ەسكە سالا كەتەيىك, بۇعان دەيىن مەملەكەت باسشىسى «الاتاۋ قالاسىنىڭ ارناۋلى قۇقىقتىق رەجيمى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا قول قويدى.
