قايرات كلۋبى ءوز الاڭىندا «اتىراۋ» كومانداسىمەن 13 ماۋسىم كۇنى ساعات 18:00-دە, ال «قىزىلجارمەن»17 ماۋسىم كۇنى ساعات 19:00-دە كەزدەسەدى. كلۋبتىڭ مالىمەتىنشە, 17 ماۋسىمداعى ماتچتان كەيىن الماتىنىڭ ورتالىق ستاديونىندا داستان ساتپاەۆقا ارنالعان قوشتاسۋ ءراسىمى وتەدى.
«ون جىل بۇرىن داستان «قايرات» اكادەمياسىنا ارمانىمەن, وزىنە دەگەن سەنىممەن, فۋتبولعا دەگەن سۇيىسپەنشىلىگىمەن كەلگەن ەدى. وسى ۋاقىت ىشىندە ول نەگىزگى كوماندانىڭ كوشباسشىلارىنىڭ بىرىنە, كلۋب رەكوردسمەنىنە, قازىرگى قۇرامنىڭ ەڭ ناتيجەلى ويىنشىسىنا, جانكۇيەرلەردىڭ سۇيىكتىسىنە اينالدى. ەندى ونىڭ سارى-قارالار ساپىنداعى جولى ءوز مارەسىنە جاقىندادى», دەلىنگەن كلۋب حابارلاماسىندا.
داستان ساتپاەۆتىڭ جەيدەسى بۋداپەشتتەگى ارنايى كورمەگە قويىلدى
ەسكە سالا كەتەيىك, الداعى ماۋسىمدا داستان ساتپاەۆ ءوز مانسابىن لوندوندىق «چەلسي» ساپىندا جالعاستىرادى. جاڭا ماۋسىمدا چەلسي كلۋبىن حابي الونسو باپتايدى.
