فوتو: pixabay.com
جارىقتىڭ وشۋىنە جوعارى كەرنەۋلى ەلەكتر جەتكىزۋ جەلىسىندەگى اپات سەبەپ بولعان. قازىرگى ۋاقىتتا ماماندار وقيعانىڭ سەبەپتەرىن انىقتاپ, قالپىنا كەلتىرۋ جۇمىستارىن جۇرگىزىپ جاتىر.
«تۇرعىندارعا كەلەتىن قولايسىزدىقتاردى بارىنشا ازايتۋ ماقساتىندا ەلەكتر ەنەرگياسى كەزەڭ-كەزەڭىمەن, رەزەرۆتىك قورەكتەندىرۋ سحەمالارىن پايدالانۋ ارقىلى بەرىلىپ جاتىر. تەحنيكالىق جۇمىستار اياقتالعاننان كەيىن ەلەكترمەن جابدىقتاۋ تولىق قالپىنا كەلتىرىلىپ, قالىپتى رەجيمگە كوشىرىلەدى», دەلىنگەن حابارلامادا.
الەۋمەتتىك جەلىلەردە تۇرعىندار ءموبيلدى ينتەرنەت پەن بايلانىس ساپاسىنىڭ ناشارلاۋىنا شاعىمدانىپ جاتىر. كەيبىر قالا تۇرعىندارىنىڭ ايتۋىنشا, سۋ دا جوق. سۋ ايدايتىن سورعى جابدىقتارىنىڭ جۇمىسى ەلەكتر قۋاتىنا تاۋەلدى.
اكىمدىك تۇرعىنداردان ۋاقىتشا قولايسىزدىقتارعا تۇسىنىستىكپەن قاراۋدى سۇراپ وتىر.
ايتا كەتەيىك, بۇعان دەيىن قازاقستاندا 7 مىڭ شاقىرىم جاڭا ەلەكتر جەلىسى سالىناتىنىن حابارلاعان ەدىك.
