كەزدەسۋدە اگەنتتىك توراعاسى مەملەكەت باسشىسىنىڭ بارلىق دەڭگەيدەگى شەنەۋنىكتەر مەن باسشىلار «ادام مەملەكەت ءۇشىن ەمەس, مەملەكەت ادام ءۇشىن» دەگەن قاعيداتتى بەرىك ۇستانۋعا ءتيىس دەگەن سوزىنە توقتالدى. مەملەكەتتىك قىزمەتشىلەر جاڭا كونستيتۋتسيادا كوزدەلگەن ادىلەتتى قازاقستان يدەياسىن جانە زاڭ مەن ءتارتىپ قاعيداتىن باسشىلىققا الۋ كەرەكتىگىن ايتتى.
سونىمەن قاتار, دارحان جازىقباي مەملەكەتتىك قىزمەتتىڭ ميسسياسىن بەكىتۋ, ازاماتتارمەن ءوزارا ءىس-قيمىلدىڭ سەرۆيستىك مودەلىنە كوشۋ, مەملەكەتتىك اپپاراتتىڭ كاسىبيلىگىن ارتتىرۋ جانە كادرلىق پروتسەستەردى تسيفرلاندىرۋدى كوزدەيتىن مەملەكەتتىك قىزمەت تۋرالى جاڭا زاڭعا كەڭىنەن توقتالدى.
«زاڭ اياسىندا مانساپتىق جانە پوزيتسيالىق مودەلدەردىڭ ارتىقشىلىقتارىن بىرىكتىرەتىن مەملەكەتتىك قىزمەتتىڭ گيبريدتى مودەلى قالىپتاستىرىلدى. ەندى ۇمىتكەرلەردى ىرىكتەۋ كەزىندە ولاردىڭ مەملەكەتتىك قىزمەتتەگى, كۆازيمەملەكەتتىك سەكتورداعى جانە جەكە سەكتورداعى تاڭداعان لاۋازىمىنىڭ فۋنكتسيونالدىق باعىتىنا سايكەس كەلەتىن جيىنتىق ەڭبەك ءوتىلى ەسكەرىلەدى», دەدى دارحان جازىقباي.
زاڭدا مەملەكەتتىك قىزمەتشىلەردىڭ ادالدىعى مەن ادەپتىلىگىنىڭ جوعارى دەڭگەيىن قامتاماسىز ەتۋگە باعىتتالعان ءمىنسىز بەدەل ينستيتۋتىن ەنگىزۋ كوزدەلگەن. جاس ءارى تالانتتى مامانداردى تارتۋ ماقساتىندا زاڭدا مەملەكەتتىك قىزمەتكە كىرۋگە دايارلاۋ ينستيتۋتىن ەنگىزۋ قاراستىرىلعان. مەملەكەتتىك قىزمەتكە ىرىكتەۋ تولىقتاي تسيفرلىق فورماتقا كوشىرىلىپ, كونكۋرس راسىمدەرى «ە-قىزمەت» جۇيەسى ارقىلى جۇزەگە اسىرىلادى. سونىمەن قاتار «ب» كورپۋسىنىڭ قىزمەتشىلەرى ءۇشىن كولدەنەڭ ىلگەرىلەتۋ تەتىگى ەنگىزىلەدى.
مەملەكەتتىك قىزمەتكەرلەردىڭ جالاقىسى وسەدى: سەنات زاڭدى ماقۇلدادى
كەزدەسۋدە مەملەكەتتىك قىزمەت سالاسىن تسيفرلاندىرۋ باعىتىندا اتقارىلىپ جاتقان جۇمىستار دا ايتىلدى. تسيفرلىق ىرىكتەۋ جۇيەسىنىڭ ەنگىزىلۋى كونكۋرس راسىمدەرىنىڭ اشىقتىعى مەن وبەكتيۆتىلىگىن قامتاماسىز ەتكەنى ايتىلدى. سونىمەن قاتار مەملەكەتتىك قىزمەتشىلەردىڭ جاساندى ينتەللەكت سالاسىنداعى قۇزىرەتتەرىن ارتتىرۋعا باعىتتالعان «AI Qyzmet» باعدارلاماسى اياسىندا جۇيەلى جۇمىستار جۇرگىزىلىپ جاتىر. بۇگىندە اتالعان باعدارلاما بويىنشا رەسپۋبليكا كولەمىندە 60 مىڭعا جۋىق مەملەكەتتىك قىزمەتشى وقىتۋدان وتكەن. ونىڭ ىشىندە الماتى قالاسىنان 2 700-دەن استام قىزمەتشى قامتىلدى.
سونىمەن قاتار, كەزدەسۋدە سىبايلاس جەمقورلىققا توزبەۋشىلىك مادەنيەتىن قالىپتاستىرۋ تىقىرىبى دا قامتىلدى. بىلتىر «قوعامدىق پىكىر» ينستيتۋتى حالىق اراسىنداعى سىبايلاس جەمقورلىقتى قابىلداۋ دەڭگەيىن انىقتادى. ناتيجەسىندە ازاماتتاردىڭ 69% سىبايلاس جەمقورلىقپەن كۇرەسكە ءوزى قاتىسۋعا دايىن ەكەنىن بىلدىرگەن. بۇل – قوعامداعى جاۋاپكەرشىلىكتىڭ ارتىپ, ازاماتتىق ۇستانىمنىڭ كۇشەيىپ كەلە جاتقانىن كورسەتەدى.
زاڭ كۇشەيدى: مەملەكەتتىك قىزمەتشىلەرگە قويىلاتىن تالاپتار كوبەيدى
جۇمىس ساپارى بارىسىندا اگەنتتىك توراعاسى ق.ي. ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىندە وڭىرلىك جاستارمەن كەزدەسىپ, ولارعا مەملەكەت تاراپىنان ۇسىنىلىپ وتىرعان مۇمكىندىكتەر تۋرالى اقپارات بەردى. مەملەكەتتىك قىزمەتكە كىرۋ ءتارتىبىن جەڭىلدەتۋ ماقساتىندا جوعارى وقۋ ورنىن ۇزدىك اياقتاعان (GPA 3,33-تەن جوعارى) تۇلەكتەرگە اۋداندىق جانە اۋىلدىق دەڭگەيدەگى تومەنگى لاۋازىمدارعا كونكۋرسسىز ورنالاسۋ مۇمكىندىگى قاراستىرىلعان. بۇگىنگى تاڭدا وسى مۇمكىندىك ارقىلى رەسپۋبليكا بويىنشا 860 جاس تۇلەك مەملەكەتتىك قىزمەتتىڭ ءتۇرلى لاۋازىمدارىنا كونكۋرسسىز قابىلدانعان. ونىڭ ىشىندە اتالعان وقۋ ورنىنىڭ 4 تۇلەگى بار.
بۇدان بولەك, بىلىكتى جاستاردى مەملەكەتتىك قىزمەتكە تارتۋعا باعىتتالعان پرەزيدەنتتىك جاستار كادر رەزەرۆىنىڭ ارتىقشىلىقتارى ءتۇسىندىرىلدى. 2019 جىلدان باستاۋ العان بۇل جوباعا 450 جاس ىرىكتەلىپ الىندى. سونداي-اق 2024 جىلى ەلىمىزدىڭ بارلىق وڭىرىندە العاش رەت وڭىرلىك جاستار كادر رەزەرۆىنە ىرىكتەۋ جۇرگىزىلدى. ناتيجەسىندە 546 جاس رەزەرۆ قۇرامىنا ەنگىزىلسە, ونىڭ 41-ءى الماتى قالاسىنىڭ وكىلدەرى. ق.ي.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ 13 تۇلەگى پرەزيدەنتتىك جاستار كادر رەزەرۆىنە جانە 17 تۇلەگى وڭىرلىك رەزەرۆكە ەنگەن.
ەندى مەملەكەتتىك قىزمەتكە كادرلاردى ىرىكتەۋ تسيفرلىق فورماتتا جۇزەگە اسىرىلادى
سونىمەن قاتار, دارحان جازىقباي ساپار بارىسىندا مەملەكەتتىك قىزمەت ارداگەرلەرىن «مەملەكەتتىك قىزمەت ارداگەرى» توسبەلگىسىمەن ماراپاتتادى. سونداي-اق, لاۋازىمدىق مىندەتىن ۇلگىلى اتقارعان بىرقاتار مەملەكەتتىك قىزمەتشىلەرگە جانە ۋنيۆەرسيتەتتىڭ بەلسەندى ستۋدەنتتەرىنە اگەنتتىك توراعاسىنىڭ گراموتالارى مەن العىس حاتتارى تابىستالدى.
