وقيعا • 06 جەلتوقسان، 2021

شقو-دا 175 توننا ءشوپ ورتەنىپ كەتتى

76 رەت كورسەتىلدى

شىعىس قازاقستان وبلىسىنىڭ تارباعاتاي اۋدانىندا 175 توننا ءشوپ ورتەنىپ كەتتى، دەپ جازادى Egemen.kz.

شقو توتەنشە جاعدايلار دەپارتامەنتى ءباسپاسوز قىزمەتى تاراتقان اقپاراتقا سۇيەنسەك، تارباعاتاي اۋدانىندا قۇتقارۋشىلار ورتەنگەن ءشوپتى سوندىرگەن.

ء«ورت تۇندە ەكپىن اۋىلىنداعى شارۋا قوجالىقتارىنىڭ بىرىندە شىققان. ءتىلسىز جاۋ 175 توننا پىشەندى شارپىدى. وتتى اۋىزدىقتاۋعا جەكە قۇرامنان 8 ادام، 3 ءورت ءسوندىرۋ كولىگى مەن شارۋا قوجالىعىنان 1 تراكتور جۇمىلدىرىلعان. بۇگىن ساعات 7.52-دە ءورت وقشاۋلاندى»، دەپ حابارلادى ۆەدومستۆو وكىلدەرى.

قازىرگى ۋاقىتتا ماماندار وقيعا ورنىندا جۇمىس ىستەپ، ءتىلسىز جاۋدىڭ قايدان، قالاي شىققانى تۋرالى انىقتاپ جاتىر.

سوڭعى جاڭالىقتار

دوللار ارزاندادى

ەكونوميكا • بۇگىن، 16:42

ۇقساس جاڭالىقتار