شىعىس قازاقستان وبلىسى ۇلان اۋدانىندا بوراندا اداسقان شوپانداردى سالا ماماندارى دەر كەزىندە قۇتقارعان. شقو توتەنشە جاعدايلار دەپارتامەنتى ءباسپاسوز قىزمەتى تاراتقان مالىمەتتەرگە زەر سالساق, ەكى شوپان بوراندى كۇنى تروينيتسكوە اۋىلىنىڭ تۇسىنداعى قىستاققا اتپەن ايالداعان.
كەرى قايتپاق بولعان ولار قيىندىقپەن بەتپە-بەت كەلىپ تۇرعاندارىن ءتۇسىنىپ, قۇتقارۋشىلاردىڭ كومەگىنە جۇگىنگەن.
«جەدەل-قۇتقارۋ جاساعىنىڭ قىزمەتكەرلەرى ءتيىستى جەرگە دەر كەزىندە جەتتى. قىزمەتكەرلەر شوپانداردى جاقىن ماڭداعى اۋىلعا اپاردى», دەلىنگەن حابارلامادا.
