شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, قۇتقارۋشىلارعا ساسىقكول كولىندە 23 جاستاعى بالىقشىنىڭ جوعالىپ كەتكەنى تۋرالى حابار ءتۇستى.
بەلگىلى بولعانداي, ەر ادام 4 قاراشادا كەشكى ساعات 20.00-22.00 ارالىعىندا قايىقپەن بالىق اۋلاۋعا شىعىپ, سول كۇيى قايتىپ ورالماعان.
«تجد قىزمەتكەرلەرى مەن پوليتسەيلەر بالىقشىنى ءتۇن ورتاسىنا دەيىن ىزدەگەنىمەن ەش ناتيجە شىقپادى. 5 قاراشا كۇنى وقيعا ورنىنا №17 ءورت ءسوندىرۋ بولىمشەسىنەن 5 ادام مەن «كۋنگ» اۆتوكولىگى جۇمىلدىرىلدى. 6 قاراشادا وسكەمەننەن سۇڭگۋىرلەر كەلىپ جەتتى. سول كۇنى جاعالاۋدان 1 شاقىرىمداي قاشىقتىقتا مۇز استىنان بالىقشى قايىعىنىڭ بەنزين باگى تابىلعان», دەلىنگەن اقپاراتتا.
قۇتقارۋشىلار, جەرگىلىكتى اتقارۋشى ورگان وكىلدەرى مەن تۇرعىندار بىرلەسىپ جۇرگىزگەن ىزدەستىرۋ شارالارىنىڭ ناتيجەسىندە 7 قاراشادا سۋدان ەر ادامنىڭ ءمايىتى تابىلدى.
