شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, جول-كولىك وقيعاسى 2 قاراشا كۇنى كەشكى ۋاقىتتا التاي قالاسىندا بولعان.
گوركي مەن بوچارنيكوۆ كوشەلەرىنىڭ قيىلىسىندا كەلە جاتقان «پاز» ماركالى اۆتوبۋس جۇرگىزۋشىسى رەتتەلمەگەن جاياۋ جۇرگىنشىلەر جولاعىندا 14 جاستاعى قىزدى قاعىپ كەتكەن. جەتكىنشەك العان جاراقاتتارىنان سول جەردە مەرت بولعان.
«قازىرگى ۋاقىتتا اتالعان فاكتى بويىنشا قر قىلمىستىق كودەكسىنىڭ 345-بابى 3-بولىگىنە (كولiك باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزۋى سالدارىنان ابايسىزدا ادام ولىمىنە اكەپ سوعۋى) سايكەس سوتقا دەيىنگى تەرگەۋ امالدارى باستالدى. ءتيىستى سوت-مەديتسينالىق ساراپتامالار تاعايىندالعان. اۆتوبۋس جۇرگىزۋشىسى ۋاقىتشا ۇستاۋ يزولياتورىندا قاماۋدا وتىر», دەپ حابارلادى ۆەدومستۆو وكىلدەرى.
