«وسىدان 18 جىل بۇرىن قازاق حالقىنىڭ كوشباسشىسى, ىقپالدى الەمدىك ساياساتكەر, تۇركى الەمى مەن ورتالىق ازيانىڭ كورنەكتى مەملەكەت قايراتكەرى, قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان ءابىش ۇلى نازارباەۆتىڭ دىندەر مەن وركەنيەتتەر اراسىنداعى ديالوگ قاعيداتتارى مەن پراكتيكاسىن ىلگەرىلەتۋ جونىندەگى باستاماسى ءوزىنىڭ ماڭىزىن ساقتاپ كەلە جاتقانىن, ال بۇل يدەيانىڭ دايەكتىلىگى مەن ونىمدىلىگى ۋاقىتپەن دالەلدەنگەنىن ەرەكشە اتاپ وتكەن ءجون», دەدى پاشازادە وتىرىستا.
ونىڭ ايتۋىنشا, بۇگىندە ەلباسىنىڭ دانا كوزقاراسى مەن كۇش-جىگەرىنىڭ ارقاسىندا الەمدە دىنارالىق ىنتىماقتىڭ جاڭا پلاتفورماسى قۇرىلعان.
«جوعارى مارتەبەلى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ قازاق مەملەكەتتىلىگىنىڭ ىلگەرىلەۋى مەن وركەندەۋىن, دىنارالىق ديالوگ پەن ىنتىماق سالاسىنداعى, اتاپ ايتقاندا, الەمدىك جانە ءداستۇرلى دىندەر كوشباسشىلارىنىڭ سەزدەرى شەڭبەرىندەگى قۇندى يدەيالاردى ىلگەرىلەتۋ جونىندەگى ساباقتاستىقتى قامتاماسىز ەتەتىن ساياسي جولدى تابىستى جالعاستىرۋ جونىندەگى كۇش-جىگەرىن ەرەكشە اتاپ وتكەن ءجون», دەدى شەيح-ۋل-يسلام.
سونداي-اق ول الەمدە كسەنوفوبيا, يسلاموفوبيا, حريستيانوفوبيا جانە انتيسەميتيزم سياقتى يدەولوگيالىق جانە پراكتيكالىق قاۋىپتەردىڭ ءوسىپ تۇرعانىن اتادى.
«بۇل حالىقارالىق تۇراقتىلىق پەن قاۋىپسىزدىككە ۇلكەن كەدەرگى كەلتىرەدى. بۇگىنگى تاڭدا اگرەسسيانى, زورلىق-زومبىلىقتى جانە كەمسىتۋ تۋدىراتىن وشپەندىلىككە شاقىرۋ ناقتى ساياسي جانە الەۋمەتتىك قاۋىپكە اينالدى. مۇنداي ۇندەۋلەردىڭ يدەولوگيانىڭ كەسىرىنەن ءتۇرلى ايماقتارداعى تۇراقتىلىق بۇزىلىپ, ادامدار اراسىنداعى قاقتىعىستارعا, اسكەري قىلمىستارعا, گەنوتسيدكە اكەلىپ وتىر», دەگەن پاشازادە ءاربىر ساياسي جانە ءدىني كوشباسشىنىڭ ءسوز بوستاندىعى مەن دەموكراتيا سىلتاۋىمەن جەككورۋشىلىك پەن قاراما-قايشىلىقتى تۋدىراتىن وسىنداي ارەكەتتەردى توقتاتۋ مىندەتتى ەكەنىن ەسكە سالدى.
ء«بىز VII سەزدە جانە ونىڭ قورىتىندى قۇجاتتارىندا كەزەكتى رەت ىنتىماقتاسا وتىرىپ, كسەنوفوبيانىڭ بارلىق نىساندارىن, عيبادات ورىندارىنداعى دىندارلارعا قارسى ەكسترەميزمنىڭ كەز كەلگەن اكتىلەرىن ايىپتاي وتىرىپ, ءدىني نىشاندار مەن قاسيەتتى ورىنداردى قورلاۋعا قارسى نارازىلىق ءۇنىن كوتەرەمىز دەپ سەنەمىن», دەپ قورىتىندىلادى ءدىني قايراتكەر.
