ءبىلىم • 10 قىركۇيەك، 2021

پەداگوگ-اسسيستەنت قىزمەتى ەنگىزىلدى

1834 رەت كورسەتىلدى

ەلىمىزدەگى مەكتەپتەردە پەداگوگ-اسسيستەنت لاۋازىمى ەنگىزىلدى. مۇنداي ماماندار ەرەكشە ءبىلىم بەرۋ قاجەتتىلىكتەرى بار وقۋشىلاردى وقىتۋدا، ياعني ينكليۋزيۆتى ءبىلىم بەرۋدە سۇرانىسقا يە. ولار بالالاردىڭ مەكتەپكە تەز ۇيرەنىپ كەتۋىنە كومەكتەسەدى.

ءبىلىم جانە عىلىم ءمينيسترى اسحات ايماعامبەتوۆتىڭ تاپسىرماسى بويىنشا ەلىمىزدىڭ بارلىق وڭىرىندە 700-گە جۋىق پەداگوگ-اسسيستەنت جۇمىسقا كىرىستى.

ايتا كەتەلىك، اتالعان ۆەدومستۆودا ەرەكشە ءبىلىم بەرۋ قاجەتتىلىكتەرى بار بالالاردى وقىتۋعا قولايلى جاعداي جاساۋ ءۇشىن جۇمىس اتقارىلۋدا.

«بۇل مۇعالىمدى الماستىرۋ دەگەن ءسوز ەمەس. پەداگوگ-اسسيستەنتتەردىڭ الدىندا پەداگوگيكا مەن پسيحولوگيا توعىسىندا ەرەكشە ماقسات-مىندەتتەر قو­يىلعان. اتاپ ايتساق، بالالاردى باعىتتاۋ، ولاردىڭ وقۋ پروتسەسىنە بەيىمدەلۋلەرىنە كومەكتەسۋ. اڭگىمە ەرەكشە قا­جەت­تىلىك­تە­رى بار بالالار تۋرالى بول­عان­دىقتان، پەداگوگ-اسسيس­تە­نت تەحنيكالىق قولداۋ دا كور­سەتە الادى. ماسەلەن، ەگەر بالا ءوز بەتىنشە قوزعالا الماسا نەمەسە ەگەر بالاعا دەفەك­تو­­لوگتىڭ كومەگى قاجەت بولسا، پە­داگوگيكالىق قولداۋ قاجەت. ءبىز بۇل جۇمىستا بەلسەندىلىك تا­نى­تىپ جۇرگەن ۇكىمەتتىك ەمەس ۇيىمدارعا ريزاشىلىعىمىزدى بىلدىرەمىز»، دەدى ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم كو­ميتەتىنىڭ ءتورايىمى گۇلميرا كارىموۆا.

بۇدان باسقا پەداگوگ-اسسيستەنت ەرەكشە ءبىلىم بەرۋ قاجەت­تىلىگى بار بالالارعا ارنال­عان جەكە ءبىلىم بەرۋ باع­دار­لا­ما­لارىن ازىرلەۋگە قا­تىسادى. قاجەت بول­عان جاع­دايدا وقۋ باع­دار­لا­ما­لا­رى ءبىلىم الۋ­شى­لاردىڭ قا­جەتتىلىكتەرىنە بە­يىم­دەلەدى. ولار وتكەن ما­تەريالدى يگەرۋگە عانا ەمەس، سونىمەن قاتار ەرەكشە قا­جەتتىلىكتەرى بار با­لا­نىڭ داع­دىلارىن دامى­تۋ ديناميكاسىن باقىلاۋعا كو­مەك­تە­سەدى. سونىمەن قاتار ەرەكشە ءبى­لىم بەرۋ قاجەتتىلىكتەرى بار با­لالاردىڭ قاۋىپسىزدىگى مەن دەن­ساۋلىعىن ساقتاۋ ءۇشىن قا­جەت­­تى جاعدايلاردىڭ ساق­تال­ۋىن قا­داعالايدى.

مينيسترلىك پەداگوگ-اسسيس­تەنت­تەردى باسقا دا ءبىلىم بەرۋ ۇيىمدارىنا قوسۋ، سونداي-اق ولاردىڭ جۇمىس جۇكتەمەسىن انىقتاۋ بويىنشا جۇمىس جۇر­گى­زىپ جاتىر.

 

سوڭعى جاڭالىقتار

جەردى سۇيگەندى ەلى دە سۇيەدى

ايماقتار • بۇگىن، 23:16

ەلوردا كۇنىنە تارتۋ

تەاتر • بۇگىن، 23:15

جالعىز قولدى شەبەر

ونەر • بۇگىن، 23:13

ۇقساس جاڭالىقتار