جانجال مىنبەردە سويلەپ تۇرعان بيلىك باسىنداعى «ازاماتتىق كەلىسىم» فراكتسياسىنىڭ دەپۋتاتى حايك ساركيسيانعا بوتەلكە لاقتىرعانان كەيىن باستالعان.
مىنبەردە سويلەگەن ساركيسيان ارمەنيانىڭ قورعانىس مينيسترلەرى ازاماتتاردى اقشا ءۇشىن اسكەري قىزمەتتەن بوساتقانىن ايتىپ ايىپتاعان. ءسوز سوڭىندا مۇنداي ارەكەتتى وتانىنا وپاسىزدىق جاساۋ دەپ باعالايتىنىن ايتىپ قالدى.
وسى سوزدەردەن كەيىن زالدا وتىرعان «ارمەنيا» وپپوزيتسيالىق فراكتسياسىنىڭ جەتەكشىسى, ارمەنيانىڭ ەكس-قورعانىس ءمينيسترى سەيران وحانيان ساركيسيانعا بوتەلكە لاقتىردى.
سودان كەيىن بىرنەشە دەپۋتات ورنىنان تۇرىپ, بوتەلكە مەن باسقا زاتتاردى ءبىر-بىرىنە باعىتتاي باستادى.
پارلامەنت سپيكەرى الەن سيمونيان جاعدايدى رەتتەي الماعان سوڭ, پارلامەنتشىلەردى كۇزەتشىلەر كەلىپ اجىراتقان.
وسىدان كەيىن سيمونيان تۇسكە دەيىن ءۇزىلىس جاريالادى, ال كونفەرەنتس-زالدان تىكەلەي ەفير ءۇزىلدى.
ايتا كەتەيىك, ءدال وسىنداي وقيعا ارمەنيادا وتكەن جىلدىڭ قاڭتارىندا دا بولعان.
