اۋىر جاراقات العان ءسابي وقيعا ورنىندا كوز جۇمدى.
قايعىلى جاعداي قۇمشاعال بەكەتىندە بولدى. تاراز ستانتسياسى جەلىلىك پوليتسيا وكىلدەرىنىڭ ايتۋىنشا, قىزدىڭ اناسى تەمىرجولدا تۇرعان ۆاگونداردىڭ استىنان وتپەك بولعان. سول مەزەتتە پويىز قوزعالىپ كەتىپ ءبۇلدىرشىندى مىجىپ كەتكەن. قازىر بالانىڭ اناسىمەن پسيحولوگتار جۇمىس ىستەپ جاتىر.
اتالعان دەرەككە قاتىستى قىلمىستىق ءىس قوزعالدى.
«بۇل جەردە وسى دەرەك بويىنشا قرقك 344 بابىنىڭ ەكىنشى بولىگىمەن سوتقا دەيىنگى تەرگەپ تەكسەرۋ ءىسى باستالدى. ەندى ول جەردە كىنالى تۇلعالار بولا ما, بولماي ما, ول كىسىلەردىڭ ءوزىنىڭ سالعىرتتىعىنان بولىپ جاتىر ما وسى بويىنشا تەرگەۋ امالدارى كەزىندە بۇل جاعداي انىقتالاتىن بولادى», دەيدى تاراز ستانتسياسى جەلىلىك پوليتسيا ءبولىمىنىڭ بولىمشە باسشىسى ماقسات دۇيسەنبيەۆ.
