ستاتيستيكالىق دەرەكتەردى ەسكەرسەك, قوقىس ماسەلەسىن شەشۋ بارلىق مۇددەلى ۇيىمداردى, ونىڭ ىشىندە قوعامدى تارتا وتىرىپ, تۇبەگەيلى شارالاردى قولدانۋدى تالاپ ەتەدى. بۇعان دەيىن مەملەكەت باسشىسى قر ۇكىمەتىنىڭ سوڭعى كەڭەيتىلگەن وتىرىسىندا وسىنداي تاپسىرما بەرگەن بولاتىن جانە ونى ورىنداۋ شەڭبەرىندە ەكولوگيالىق رەتتەۋ جانە باقىلاۋ كوميتەتىمەن ورمان شارۋاشىلىعى جانە جانۋارلار دۇنيەسى كوميتەتىنىڭ, سونداي-اق اقپارات جانە قوعامدىق دامۋ مينيسترلىگىنىڭ قاتىسۋىمەن رۇقسات ەتىلمەگەن قوقىس ۇيىندىلەرىن انىقتاۋ جانە ولاردىڭ پايدا بولۋىنىڭ الدىن-الۋ بويىنشا اۋقىمدى جۇمىستار ۇيىمداستىرىلدى.
بۇگىنگى كۇنى رەسپۋبليكا بويىنشا 4 763 رۇقسات ەتىلمەگەن قوقىس ءۇيىندىسى انىقتالدى.
العاشقى رەيد اعىمداعى جىلدىڭ 24 ماۋسىمىندا باستالىپ, ونى ءبىر مەزگىلدە بەس ءىرى ءوڭىر: قاراعاندى, پاۆلودار, الماتى, اقمولا جانە شىعىس قازاقستان وبلىستارى وتكىزدى. رەكرەاتسيالىق ايماقتارعا ەكولوگيا دەپارتامەنتتەرىنىڭ, اكىمدىكتەردىڭ, جەرگىلىكتى پوليتسيا قىزمەتىنىڭ وكىلدەرى جانە 30-دان استام ەكوۆولونتەرلەر شىقتى.
ءبىر كۇندىك جۇمىس ناتيجەسىندە 20 زاڭسىز قوقىس ورنى انىقتالدى, ولاردىڭ 13-ءى سول كۇنى جويىلدى. سونىمەن قاتار, 6 ەسكەرتۋ بەرىلىپ, 10 اەك كولەمىندە اكىمشىلىك ايىپپۇل سالىندى.
اپاتتى ۇيىندىلەرىن جويۋ كەستەسى اعىمداعى جىلدىڭ قىركۇيەك ايىنىڭ سوڭىنا دەيىن بارلىق وڭىرلەرگە مەرزىمدى ساپارلاردى قاراستىرادى.
