قازاق تەڭگەسىنىڭ باعاسى سەيسەنبىدە KASE قور بيرجاسىنداعى ساۋدا-ساتتىقتا تومەندەگەنى بايقالدى.
Brent ماركالى باررەلى ەكى ايداعى ەڭ تومەنگى كورسەتكىش 68,69 دوللاردان ساتىلۋدا. دۇيسەنبى سەسسياسىندا سولتۇستىك تەڭىز شيكىزاتىنىڭ «باررەلى» 5 دوللاردى جوعالتتى. نارىق وپەك + ءوندىرىسىن ودان ءارى دامىتۋ تۋرالى شەشىمدەر قابىلدادى: مۇشە ەلدەر قولايلى ءساتتى كۇتىپ ىشتەن تىنىپ وتىر. تارقاتىپ ايتقاندا, مۇنايعا دەگەن سۇرانىس پەن ۇسىنىستىڭ اراسىنداعى تەپە-تەڭدىككە سىزات ءتۇستى, جەتكىزىلىم تاپشىلىعى بولمايدى. ال كوروناۆيرۋستىق ينفەكتسيانىڭ تارالۋىنا بايلانىستى ەنەرگياعا دەگەن سۇرانىس قازىر قۇبىلىپ تۇر.
ساراپشىلار Brent ماركالى مۇناي باعاسى 68,45 دوللارعا دەيىن, ءتىپتى ودان دا تومەن ارزانداپ كەتۋى مۇمكىن ەكەنىن ايتۋدا. وسى كۇنگە دەيىن ساراپشىلار ايتىپ كەلگەندەي, Brent ماركالى باررەل باعاسى 60 دوللاردان تومەندەپ كەتكەندە عانا تەڭگەگە قاۋىپ ءتونۋى مۇمكىن, وعان دەيىنگى وزگەرىستەردى ەت پەن تەرى اراسىنداعى جەل دەپ قابىلداۋعا بولادى.
كاپيتال نارىعى قازىر قاۋىپسىز اكتيۆتەرگە قىزىعۋشىلىق تانىتىپ وتىر, سوندىقتان دوللار, جاپون يەناسى جانە التىننىڭ ءباسى باسىم بولىپ تۇر.
جاقىن ارادا شەتەلدىك ۆاليۋتالار كەلەسىدەي وزگەرەدى: اقش دوللارى 427,50-428,00 تەڭگە, ەۋرو - 504-510 تەڭگە, رۋبل - 5,75-5,78 تەڭگە ارالىعىندا ساۋدالانادى.
