وپەك+ ەلدەرىنىڭ مينيسترلەرى جەكسەنبى كۇنگى كەزدەسۋىندە ءبىر ساعاتقا جەتەر-جەتپەس ۋاقىتتا مۇناي ءوندىرىسىن وسى جىلدىڭ سوڭىنا دەيىن قالپىنا كەلتىرۋ تۋرالى, سونداي-اق كەلىسىمدى 2022 جىلدىڭ سوڭىنا دەيىن ۇزارتۋ تۋرالى شەشىمدى ماقۇلدادى. كەزدەسۋ قورتىندىسى تۋرالى دەرەكتەر وپەك ۆەب-سايتىندا حابارلانعان.
سونىمەن بىرگە, 2022 جىلدىڭ مامىرىنان باستاپ كەيبىر ەلدەر ءۇشىن كەلىسىم ءوندىرىستىڭ بازالىق دەڭگەيىنە تۇزەتۋ ەنگىزەدى. ماسەلەن, رەسەي مەن ساۋد ارابياسى ءۇشىن بۇل 11-دەن 11,5 ميلليون باررەلگە, ءباا ءۇشىن - 3,17-دەن 3,5 ميلليون باررەلگە, يراك ءۇشىن - 4,65-تەن 4,8 ميلليون باررەلگە / س دەيىن, كۋۆەيت ءۇشىن - 2,8-دەن 2,96 ميلليونعا دەيىن كوبەيتىلەدى.
قورىتىندى كومميۋنيكەدە وپەك+ ەلدەرى مۇناي ءوندىرىسىن «نارىققا 5,8 ملن باررەل قايتارىلعانعا دەيىن» 0,4 ملن باررەلگە ۇلعايتۋعا نيەتتى ەكەنى ايتىلعان, ونى 2022 جىلدىڭ قىركۇيەگىنە دەيىن ورىنداۋ جوسپارلانىپ وتىر. الايدا, 2021 جىلدىڭ جەلتوقسانىندا بۇل جوسپار قايتا قارالۋى دا ابدەن مۇمكىن.
وپەك+ ەلدەرىنىڭ كەلەسى كەزدەسۋى 2021 جىلدىڭ 1 قىركۇيەگىندە وتەدى.
