وسى زاڭداردىڭ كوپشىلىگى پرەزيدەنتتىڭ تاپسىرماسى بويىنشا جانە تىكەلەي پارلامەنت دەپۋتاتتارىنىڭ ۇسىنىسىمەن ازىرلەنگەنىن, ياعني ماجىلىسمەندەر مەن سەناتورلار بىرلەسىپ دايىنداعانىن ايتا كەتكەن ءجون.
زاڭدى قابىلداۋ جاۋاپتى ءىس جانە مۇندا قاتەلەسۋگە بولمايدى. سەبەبى زاڭ قابىلداۋدا ءبىر وسالدىق بولسا, سوڭى ەلدەگى كۇردەلى پروبلەماعا اينالۋى مۇمكىن. سوندىقتان زاڭ جوبالارىنىڭ «تازالىعىنا» جاۋاپ بەرەتىن سەناتقا ءار ۋاقىتتا ۇلكەن جاۋاپكەرشىلىك جۇكتەلەدى.
10 اي ىشىندە تولىقتىرۋلار مەن وزگەرىستەر ەنگىزىلگەن 15 زاڭ جوباسى سەناتتان ماجىلىسكە قايتا قاراۋعا جىبەرىلدى. ولاردىڭ ەكەۋىن ناقتىلاۋعا تىكەلەي ءوزىم باستاماشى بولدىم.
مەن ەلىمىزدىڭ ءىرى قالالارىندا سۋ قورعاۋ بەلدەۋلەرىنىڭ كولەمىن قىسقارتۋعا قارسى بولدىم, ويتكەنى بۇل ەلدىڭ سۋ رەسۋرستارىن ساقتاۋدا ەلەۋلى ماسەلەلەرگە اكەپ سوقتىرار ەدى. سونداي-اق قوعامدا الاڭداۋشىلىق تۋدىرعان ورمان ءوسىرۋ ءۇشىن شەتەلدىكتەرگە جەر ۋچاسكەلەرىن 25 جىلعا جالعا بەرۋ تۋرالى جەر زاڭناماسىنىڭ نورمالارىنا قارسى پىكىر ءبىلدىردىم.
ارينە, ءماجىلىس قابىلداعان جانە ۇكىمەتپەن كەلىسىلگەن زاڭ جوباسىنا قارسى شىعۋ وڭاي ەمەس. ەگەر ءوز ۇسىنىسىڭنىڭ سەبەپ-سالدارىن دالەلدەي الماساڭ, «اق قارعا» اتانۋىڭ عاجاپ ەمەس. بۇل ءۇشىن, ارينە, سوقىرعا تاياق ۇستاتقانداي ناقتى دالەلدەر قاجەت.
دەپۋتاتتاردىڭ كەلەسى ماڭىزدى ميسسياسى – اتقارۋشى بيلىك جۇمىسىنىڭ تيىمدىلىگىن باقىلاۋ. پارلامەنتتىڭ بىرنەشە وتىرىسى اياسىندا پرەمەر-مينيسترگە جانە ونىڭ ورىنباسارلارىنا, ەسەپ كوميتەتىنىڭ توراعاسىنا 7 دەپۋتاتتىق ساۋال جولداپ, وندا بيلىك تاراپىنان شەشىلمەگەن اۋىل تۇرعىندارىنىڭ جەكەمەنشىك مالدارىن جايىلىممەن قامتاماسىز ەتۋگە, ازىق-ت ۇلىك باعاسىن تۇراقتاندىرۋعا, مەملەكەتتىك ورگانداردىڭ جۇمىسىنداعى كەمشىلىكتەر مەن سىبايلاس جەمقورلىق ارەكەتتەرىنە, اوك-ءتى ستاتيستيكالىق ەسەپتىلىككە تىركەۋگە, جوعارى وقۋ ورىندارىن باسقارۋدى دەموكراتيالاندىرۋ قاجەتتىگىنە, ۆەتەرينارياداعى داعدارىسقا, اگرارلىق عىلىمدى قارجىلاندىرۋداعى ىركىلىستەرگە, شەتەلدىك تۇقىمداردى سۋبسيديالاۋعا مەملەكەتتىك قاراجاتتىڭ ءتيىمسىز جۇمسالۋىنا قاتىستى ماسەلەلەردى كوتەردىم.
بۇل ساۋالداردى جازباشا جولداپ قانا قويماي, پرەمەر-ءمينيستردىڭ, ونىڭ ورىنباسارىنىڭ, ءبىلىم جانە عىلىم, اۋىل شارۋاشىلىعى مينيسترلەرىنىڭ جەكە قابىلداۋىندا بولىپ, ولارعا ءوز ۇسىنىستارىمنىڭ ءمانىن ءتۇسىندىرىپ بەردىم.
سونىمەن قاتار سەنات وتىرىستارىندا, پارلامەنتتىك تىڭداۋلاردا ەاەو, ينفلياتسيا, ازىق-ت ۇلىك قاۋىپسىزدىگى, سۋ رەسۋرستارىن باسقارۋ, ەكولوگيانى قورعاۋ, عىلىمدى دامىتۋ جانە باسقا ماسەلەلەر تۋرالى 11 رەت ءوز ۇستانىمدارىمدى العا تارتىپ, ءسوز سويلەدىم.
كوتەرىلگەن ماسەلەلەرگە نازار اۋدارتۋ ءۇشىن, باستى گازەتتەردە 12 ماقالا جاريالاپ, ەكونوميكا, ءبىلىم بەرۋ, اگرارلىق عىلىم, جەر جانە سۋ رەسۋرستارى مەن مەملەكەتتىك باسقارۋ جۇيەسىنىڭ پروبلەمالارى بويىنشا تەلەارنالارعا 21 رەت سۇحبات بەردىم (بۇلار ۆەب-سايتتاردا, الەۋمەتتىك جەلىلەردە جاريالانعان كوپتەگەن ماتەريالىمدى ەسەپتەمەگەندە). وسى مۇمكىندىكتى پايدالانىپ, جۋرناليستەرگە قولداۋ كورسەتكەندەرى ءۇشىن العىس ايتقىم كەلەدى.
ەندى وسى جۇمىستاردىڭ ناتيجەسى تۋرالى ايتىپ وتەيىن. وكىنىشكە قاراي, مەنىڭ كوپتەگەن ۇسىنىسىم «قاعاز كۇيىندە» قالدى, كوپتەگەن دەپۋتاتتىق ساۋالىما ۇيرەنشىكتى «سىرعىتپا» جاۋاپتار الدىم. ارينە, بيۋدجەتتە پروبلەما كوپ ەكەنىن, ۋاقىتتى قاجەت ەتەتىن شەشىمدەر دە بارلىعىن تۇسىنەمىن. بىراق ءتىپتى دەپۋتاتتار ۇسىنعان زاڭعا تاۋەلدى اكتىلەرگە ء(مينيستردىڭ بۇيرىعىنا) وزگەرىستەر ەنگىزۋ بىرنەشە اي بويى قاجەت ەتىلەدى ەكەن... دامىعان ەلدەردە پارلامەنت دەپۋتاتتارىنىڭ ۇسىنىسىنا وسىنداي سەلقوس كوزقاراستى كورۋ ەكىتالاي شىعار.
پرەزيدەنت باستاماشىلىق ەتكەن زاڭدارمەن جۇمىس ىستەي وتىرىپ, مەملەكەت باسشىسىنىڭ حالىقارالىق تاجىريبەسى مول كوشباسشى رەتىندە مەملەكەتىمىزدى زاڭنامالىق نەگىزدە دامىتۋدىڭ جاڭا مودەلىن قالىپتاستىرۋعا باعىتتاپ كەلە جاتقانىن, قوعامدى دەموكراتيالاندىرۋعا, ەكونوميكانى دامىتۋعا ارنالعان جاڭاشا باسىمدىقتاردى كوردىم.
ەندى وسى ستراتەگيانى جۇزەگە اسىرۋ ماڭىزدى. «زاڭ ءالسىز بولسا دا, جاقسى شەنەۋنىكتەر ارقىلى ەلدى باسقارۋعا بولادى, ال شەنەۋنىكتەر ءالسىز بولسا, ەڭ جاقسى زاڭدار دا كومەكتەسپەيدى» دەگەندەي, بىزدە قازىر جۇمىستى ساپالى, جاقسى ورىنداۋشىلار جەتىسپەيدى. ال مۇنداي باسقارۋ جۇيەسىن قالىپتاستىرۋ ءۇشىن ەلباسى مەن مەملەكەت باسشىسى ايتقانداي, ىقپالدى پارلامەنت پەن ەسەپ بەرەتىن ۇكىمەتتىڭ بولۋى وتە ماڭىزدى.
اقىلبەك كۇرىشباەۆ,
سەناتتىڭ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ حاتشىسى
